بنات المملكه help Me ..

السلام عليكم ورحمة الله وبركاته

بنات المملكه محتاجه مساعده منكم وادري انكم كلكم خواتنا وما تقصرون معانا ان شاءالله

ابي اروح السعوديه وابي اللي من الخبر او الشرقيه او الخفجي او مكه

تساعدني لا هنتو ... وانا طبعا بروح اشتري من هناك لانه مشاءالله المملكه فيها واجد شغلات نفس الكويت بس بنص القيمه وفيه شغلات احلى بعد ومو موجوده بالكويت ومنها نجهز عروستنا الغاليه عشان جذي ابيكم تدلوني على محلات عطور حلوه ونوعها ابي عطور عربيه ودهن عود وبخور ابي شغلات جذي تكون حيل حلوه دلوني لاهنتو و ابي بجايم ولانجري وعبايات فخمه ودراريع فخمه وذهب اصفر وابيض ناعم باسعار مناسبه وجناط ماركه بنص القيمه وساعات ماركه باسعار مناسبه ونفانيف عروس بيضه فخمه وحلوه ورخاص بس جديد مو مستعمل من قبل ومكياج اذا فيه شغلات مو موجوده بالكويت مثل قزاز قولو لي وين مع اسم الماركه والاسعار لاهنتو وبالنسبه لنكتار سمعت انه اللي بالسعوديه فيه شغلات مو موجوده بالكويت فبعرف اذا بالمناطق اللي ذكرتها فوق فيه نكتار ولا لا ؟ وابي شغلات حلوه بس مو اسعار خياليه وغاليه نبي كل شي حلو وسعره معقول لانه مهر عروستنا 5 الاف ويدووووب يكفي

وبنات الله يخليكم كل شي تكتبونه كتبو جنبه السعر ووين بالضبط عشان بنروح سياره ومانبي نضيع و الاسم يعني اسم الماركه مثلا او اسم العطر او اسم المحل يعني لا توصفون عالماشي ابي وصف دقيق الله يعافيكم واتمنى كل بنات المملكه يسااعدوني وبنات ديرتي فديتكم اللي رايحه او مجهزه من هناك وتعرف شغلات حلوه ومميزه لا تقصر معاي فديت قلبكم واللي تبي ماتعرف ياليت ماترفع الموضوع الله يخليكم عشان ما تكثر الصفحات واقعد ادور ردود اللي تبي تساعدني لاهنتو


وبنات حتى لو ما كنتو من المناطق اللي ذكرتها انا بس تعرفون شغلات تنباع هناك لا تقصرون حبيبات قلبي