وصف للجمهور الي يبقى يحضر مباراة الاهلي في قطر

السلام عليكم ورحمة الله وبركاته
_ صباحكم _ مسائكم _ راقي بإذن الله
دوري أبطال آسيا على الأبواب
... وافق الإتحاد الآسيوي على طلب إدارة نادي لخويا القطري بنقل مباراته أمام الأهلي السعودي في أولى مباريات المجموعه بدوري أبطال آسيا من ملعب نادي الغرافه إلى ملعب نادي السد والذي يتسع لحوالي 15 ألف متفرج ...

(( وصف كامل للجماهير الراغبه في الحضور سواء عن طريق الجو أو عن طريق البر ))
...
الطريق من الرياض إلى منفذ قطر

تطلع مع طريق الرياض الشرقية المعروف وبعد 200 كيلو يجيك مخرج مكتوب عليه ( النعيرية ) اطلع مع المخرج واذا طلعت مع المخرج خذ يمين وأول ما تاخذ يمين بتجيك لوحة مكتوب فيها قطر 150 كيلو , وخلاص هنا خليك ماشي على طول لاتروح لا يمين ولا يسار , الى ان يأتي لك منفذ سلوى وبعده ادخل المنفذ وتدخل قطر .

المسافة من الرياض إلى منفذ قطر = 350 كلم فقط

توضيح :
( الدخول الى قطر يكفي ببطاقة الاحوال الجديدة ومو لازم الجواز , اذا معك بطاقة احوال جديدة تستطيع الدخول )

ملاحظة : عمر أقل من 21 سنة يحتاج إلى موافقة ولي أمره للخروج .

ثانياً : الطريق من المنفذ حتى الملعب

تمسك الطريق الى أن تصل الدوحه وتدخل الدوحه المسافه تقريبا 90 كيلو من المنفذ الى الدوحه

اذا دخلت الدوحه بيجيك أول دوار هو دوار الغانم تروح سيده وبعدين دوار عين خالد تروح سيده وبعدين

دوار سوق الخميس والجمعه تروح سيده وبعدين دوار قطر للديكور وبتشوف محل قطر للديكور على اليمين

وعلى فكره الدوار هذا في ناس تسميه دوار السويدان يعني عائلة السويدان

اذا وصلت الدوار الرابع الي هو دوار قطر للديكور تلف يسار وتمشي شوي وتشوف الملعب على اليمين

ثالثاً : الطريق من المطار إلى الملعب

أول ماتطلع من المطار تلقى أشاره ومعها سيده وبعدين

وبعدين يجيك دوار النادي الاهلي وتروح سيده وبعدين دوار

محطة التضامن وتروح سيده وبعدين تنزل من نفق ترى النفق هذا فيه رادارات يعني الي بيأجر سياره

قطريه ينتبه ترى السرعه القانونيه 80 وبعد النفق يجيك تحويلات تضيق الشارع ومعها سيده

لين يجيك دوار صغير اسمه دوار شارع النصر تروح معاه يسار وتوصل النادي

المفاجأه أنك في الطريق للقادم من المطار راح تمر على حي الهلال وشارع النصر أهل قطر يعرفون يقدرون

الانديه من بعد النادي الاهلي هذا اسمه حي الهلال والشارع الذي يكون امتداد الملعب هو شارع النصر