يانجمه الصبح هلي *** حاموا عليك النشامى !! سامريه وطيراان وطق
(( من زمن جميــــــــــــــــــــــ ل مضى ))
ليله عيد ومخباتي مليانه طرطعان ( شرووووخ ) ومعي سعدون الذروووق وكان قدام بيتنا نخيل ونشوف في وسط النخيل نار ونسمع طبول وصوت ناس تغني سامري وانا اللي ادرعم مع سعدون عليهم ونوقف نتفرج عليهم وكانوا مسوين دويره كبيره حول النار ويغنون ( يانجمه الصبح هلي حاموا عليكي النشامى عاشوووووووووا ) وفيه خوال طابين زيران وكان واحد قصير ومدربح ويدينه كانها كبن معه طاره وياهو عليه صقل صدقوني هو اللي مطلع الزيران منهم وانا ادعس يدي في مخباتي واظهر دسته شرووخ وانا اللي اذبها وسط النار وقامت النار تدهر بالطرطعان طاااااااااااااع والجمر يتطاير فوق روسهم وطبولهم قامت تطير فوق وبعضهم تصافق مع بعض واللي فيه زار طلع زاره من جد ماعاد هوب لعب وانا فاغر اثمي اضحك عليهم المراد الذروووق سعدون انحاش وشافوه وهم يلحقونه ويمسكونه ويعلمهم على طول انه انا اللي ذاب الطرطعان واشوفه من بعيد ياشر علي وانا اللي انحاش بس كان معهم واحد حشى ماهوب ادمي سلقه من سرعته انا اركض خطوه هو عشر خطوات وهو يطمر علي ويمسكني ويفتشني ويلقى الجيب مليان من المتفجرااات وهم يتجمعون علي اهل الزيران وهات يادبج الصراحه دبجهم بكوووم ودبج الدب المدربح كوووم هو مع يده الكبنه ياهو قام يصقل صقل في دميجتي من قوه الصقل الخوال طبوا مره ثانيه زيران
:biggrin::biggrin::biggrin::biggrin::biggrin:
ههههههههههههههههههههههههه ههههههههههههههه
=====================
منقووول بتصرررف
