زود على فقر الدراهم فقر دم ؟؟؟؟؟؟؟ سعد بن جدلان

اغنام - ابل - دواجن - طيور

يا فقر قلي ويش تبي من ورانا
زود على فقر الدراهم فقر دم
ما حاشت ايدانا غدابه عطانا
تبذل ولا نحسب ايدينا عطت كم
ولا به رصيد عندنا من بدانا
الا الفعول الطيبه وخشية الذم
ولو ان تسلف للغداء مع عشانا
نصبر ولو أحوالنا كلها هم
والضيف ليا منه لفانا وجانا
نفرح ويبشر بالكرامه ويكرم
بالدين والا بالسلف من حدانا
ويروح مبسوطن وبالذكر نغنم
في عيالنا نزرع عوايد ابانا
نبقا ونحيا ما بقينا ونسلم
يا فقر لو تظلم علينا سمانا
رجالنا بالجود والطيب يهتم
البخل ينبذ ما يجي في نحانا
والجود نسعى له وبالخير يقدم
يا فقر لو با الجور همك وطانا
وهاماتنا ما تنثني لك نكرم
نشوم عن فعل الردا والهوانا
ونروم لفعول تنومس بني عم
وليا منحنا الوقت منه خذانا
الطيب والشيمه ومع الحزم نحلم
يا فقر بالله لا تزود عنانا
أرحل لعل من الغنا الحال ينعم
مدامنا بالعمرو نمشي أخطانا
وليا رحلنا عندك الأرض به عم