انا والعامل المصري الصعيدي ....قصه قصيره
بسم الله الرحمن الرحيم
بعد صلاة المغرب اليوم كنت ماشي على
سيارتي على الشارع العام وشفت
عامل مصري واقف يأشر على الخط
قلت اشيله معي اوديه لمكانه
المهم ماكثرت معه في الكلام
لأني والله من امس ونفسيتي
تعبانه الى اخر حد وكنت مشغل
احدى اذاعات الاف ام وفيها
برنامج يناقش خسارة الصقور
والناس تتصل وتحلل الاسباب
المهم قال المذيع نطلع فاصل
ونكمل معكم ونزلت صوت الراديو
شوي ومادريت الا والمصري
يسألني منتخبكم خرج من
التصفيات قلت له اينعم قال
ليه خرج قلت له لان الصقور
الحقيقيه راحت من زمان
ومابقي غير بعض الطيور
االهزيله قال لي طيب اش
اقوى نادي عندكم قلت له
والله مقدر اجاوبك اخاف
ميولي تخوني في الاجابه
قال لي انا اللي حقولك من
هو اقوى نادي عندكم بس
جاوب على اسئلتي قلت له
تفضل قال من متى حسيتوا
ان مستوى منتخبكم بدا ينزل؟
قلت له والله تقريبا من عام
الفين قال لي طيب وش هو
النادي اللي تزامن انخفاض
مستواه مع انخفاض مستوى
المنتخب ؟قلت له انا اعرف
الاجابه بس منا بقايل لك
قال اوووكي انت حر
تقولي ولا ماتقولي هذا
النادي اللي انت تعرف ومش
رااضي تقول لي عليه هو
هو النادي الاقوى عندكم
لأننا في مصر نقيس قوة
المنتخب المصري بقوة
النادي الاهلي اذا كان
الاهلي في احسن حالاته
فالمنتخب المصري يكون في
افضل حالاته واذا كان الاهلي
سيئ فالمنتخب المصري
يكون سيئ قلت له والله
يابو مصر انك فاااهم
كوره احسن من بعض
محللين الغفله قالي شكرا
ونزلته في مكانه وواصلت
طريقي
مواصل11
