اكتئاب مابعد الولادة هل ممكن يستمر شهور بعد الولادة ..

السلام عليكم ورحمة الله وبركاته

خواتي انا صارلي والده 7 شهور ونص وهذا اول حمل لي

طول فترة الحمل كنت اعاني من ضغوطات نفسية كبيرة .. :eh_s(11):

والحين من ولدت مااادري شفيني كله مخنوووووقة وابي ابجي وعصبية نااااار

حتى على ولدي حبيبي كم مرة افقد اعصابي عليه :eh_s(2):

ماادري شفيني بنات ماتوقعت ان حالتي توصل لهالدرجة خاصتا حملي صار بصعوبة مع مشاكل

وولدي اعز من كل شي بهالدنيا اموت عليه بس هالضيقة والعصبية وحتى اوقات احن لايام الحمل

وحركة الجنين واوقات العكس احس روحي مو طبيعية .. خايفة لا تسوء حالتي اكثر وانا متغربة ماقدر حتى استشير دكتور اخاف تنحسب نقطة مو لصالحي :eh_s(2):

ابي نصايحكم وتجاربكم تكفون لا تخلوني :eh_s(11):