حمسة الجبدة مع العيش المصري و الروب
السلام عليكم
شلونكم بنووتات
اول مرة بنزل لكم طبخة و ان شاء الله مو آخر مرة لاني متأكدة بتعجبكم
أكله سريعه و سهله و بنفس الوقت لذييييييييذة
حمسة جبدة مع العيش المصري و الروب
اول شي اللي نحتاجه
1- بصلتين كبار مقصصه شرايح
2- فلفله خضرة مقصصه طوال
3- طماطه مفرومة
4- جبده خروف
5- بهارات اللي اهيه ( ملح - فلفل اسود - كمون - كزبره )
6- عيش مصري الكمية اللي تبينها
7- سمنة و زبدة
الطريقة :
نحط دهن بالمقلى و نحمس البصل ليما يذبل نحط عليه الفلفل البارد
و نحمس شوي و نحط الجبده و نقلبها ليما يصير لونها ابيض و نحط البهارات
من كل شغله نحط قفشة ( قفشة الأكل الصغيره ) المتوسطه
و نقلب 4 دقايق و نحط عليه الطماط و نقلب ليما يذبل الطماط
و نصب شوية ماي يعني تقريبا فنيال قهوة بس
و نخليه يطبخ نذوق اذا احتاج بهارات بعد نزيد
انا احب يكون طعمها لاذع حار
نخلي الحمسة تطبخ عالجولة ليما يصير تحتها مثل صوص ثقيل
هذي الصور توضح الطريقة ...
بالنسبة للعيش المصري
نغسل العيش و ننقعه ربع ساعه انا ما خليه وايد
نحط قفشة او قفشتين سمنة بالجدر و نخليها تذوب
و نحط عليها العيش و نقلبه
و نص عليهم ماي مغلي نكون ملحناه
اعلى من مستوى العيش بحيث ما نشوفه الا اذا طلعناه بالقفشة
و نحط تحته الحديدة و نقصر الجولة
و بس ينشف الماي نحط قطع زبدة فوق العيش
انا احب العيش يكون دهني شوي عشان ما يتلزق تصير كل حبه بروحها
و بس ينشف عدل نطفي الجولة
http://up.arabseyes.com/uploads/29_02_1213304707152.jpg
و هذي بتكون النتيجة النهائية ::
تنئكل حاره مع الرووووب و قلاص فيمتو مع ثلج مجرووووش
و بالعاااااااااااافية عليكم :eh_s(9):
تحياتي لكم ..
Beauty rose :eh_s(17):
