ساعدوني في مشكلتي مع رئيستي؟؟؟؟

السلام عليكم
شلونكم جميعا

بنات صايره لي مشكله مع رئيستي فالشغل ومب عارف اتصرف
الموضوع باختصار انا مدرسه من دوله خليجيه
مع اخر الكورس انصدمت من تقييمي وانهرت اصيح ابكي تعبت تعبت من قلب ماتوقعت تقييمي يكون جذيه المهم ناديت مديرتنا ورئيستي المسؤوله عن تقييمي وناقشتهم وانا ميته من الصياح وليش درجاتي فالتقييم على حافة الجيد جدا والمدرسات الاقل مني فالشرح وفي التطوير واستخدام الوسائل درجاتهم اعلى مني وكنت احاول قدر المستطاع عدم توجيه تهم او ان الموضوع ينتهي بمشاكل يعني مااحرج رئيستي بس نتفاهم من دون تجريح وانتهى الموضوع
المهم بدا الكورس الثاني ومنسقتي مكشره فوجهي وحاله وبدت شوي شوي تقعدلي تعرفون تكبر اخطائي واذا تاخرت فشيء تعطيني نظره وان عليك تاخير يعني بالعربي تمسك لي ع كل غلطه !!!!! انا صراحه زهقت بنات انا وايد احب شغلي واستمتع بوقتي وقعدتي فالشغل مابي تخرب علي والصراحه انا الحمدالله انجز واهتم بس مب سريعه ابد ابد كل شي عندي على سعه ماعرف اصير سريعه كلشششششششش طيب شاسوي؟؟؟؟ ملل!!
بعد ابيكم تعرفون انا مسالمه ماحب ولااعرف للتحدي والاستفزاز وغيره ماحب حد يعور راسي ابي اعيش بسلام يعني اذا بيئه العمل بتم جذي ماقدر بنتقل مدرسع ثانيه
انا الهدوء وعدم المشاكل وايد يساعدني ابدع واطور من نفسي واتفنن فشغلي اكثر واكثر بس شكله الجو مارح يستمر جذي !!!!!!!!!؟؟؟؟؟؟؟
بنات شلون اتصرف وياها واحسن الوضع ؟؟؟ صراحه مايصير ياسكتوا ولاتعترضون او بتصير لكم مشاكل...
ياليت تنصحوني وابي اسمع تجاربكم ومواقفكم
وشكرا حبايبي