-
شفتي كيف!!!
السلام عليكم
هذي أول مشاركه لي بخاطره من نبضي أتمنا إنها
تعجب ذوقكم الراقي
(( شفتي كيف ))
شفتي كيف حلو هالغرام
الغلا صاحي والمشاعر ماتنام
أنا وإنتي في هالمحبه ..
إجتمعنا إثنين وثالثنا الهيام ..
شفتي كيف حلو هالغرام
**********
هذا هو يوم أحتوانا ...ورسا مابين الضلوع
نوّر وأضوى سمانا ... أشعل الدنيا شموع
إطلالته على الدنيا فريده .. أعلنت مولد الحياة الجديده
حياه أصلها إنتي وأنا ،، وحدودها عمر الهنا
لاهم ولا ضيق وحزن .. ولا زعل ولا عتب وملام
شفتي كيف حلو هالغرام
*********
هذا حنّا الحين .. في سماه معتلين ..
طموحنا ماشي يعيقه ،،وبوسط الخيال وصولنا للقمرا نشوفه أجمل حقيقه ..
نجم هناك ،، ونجوم هنا .. كلها إجتمعت لنا
وغنت غنوة فرح من طربها أطربتنا ...
وحنّا على متن السحاب رقصة جنون العشق رقصّتنا ..
يوم وسع الكون عظّم لنا أعظم سلام
شفتي كيف حلو هالغرام
********
تبللت عروق الود بالوصل والوفا
بإحضان الحنين أرتمت مشاعرنا وحسّت بالدفا
اللي تمنيتيه لقيتيه ،، واللي تمنيته لقيته
يعني لقيتيني ولقيتك ،، شريتيني وأشتريتك
صرت أنا لك القلب وإنتي النبضات
وصرتي لي الوريد وأنا الدم ..
وإنتي معي ياحلوها من لحظات،،
وش نبي أكثر ،، مانبي أكثر
الله ياسلام
شفتي كيف حلو هالغرام
مع أطيب تحياتي ,,,,
أخوكم
الواله
-
اخي العزيز
**الواله**
اشكرك على هذه المحاولة الجميلة
وحنا معك وانتظر جديدك
بدر سهران
-
يعطيك العافيه
على المشاركه الحلوه
-
اطلالة جميلة كـ السحاب وإستهلال كـ المطر ..
أخي الواله .. وصلت الينا بشكل أنيق كما وصلت خاطرتك بنفس جماليات قلبك .
-
أخي بدر سهران
أشكرك على هذي الإطلاله الجميله
اللي نورت بها صفحتي
ومشكور على هذا الراي اللي أعتز به
تقبل مني أطيب تحيه
أخوك
الواله
-
مشكوره أختي ناعسة الهدب
على هذا المرور الجميل
والله يعافيك
تقبلي مني أرق وأعذب تحيه مغلفه بالود والإحترام
أخوك
الواله
-
شفتي كيف حلو هالغرام
غلا ومشاعر عاليه مثل السحاب
أنا وانتي اجتمعنا اثنين وثالثنا الهيام
شفتي كيف حلو هالغرام
هذا هو من يوم احتوانا
راسي مابين الضلوع
نّور وابدا سمانا
وأشعل الدنيا شموع
طلته في الدنيا فريدة
اعلنت الحياة الجديدة
حياة العمر أنا وانتي
وحدودها سعادة وهنا
شفتي كيف حلو هالغرام
طموحنا هذا طريقه
وسط الخيال نشوفه حقيقه
ورقصه العشق بجنونها رقصتنا
يوم هالكون عظّم لنا السلام
شفتي كيف حلو هالغرام
تبللت عروقنا بالوفا
وبأحضان الحنين حسينا بالدفا
وصرت أنا القلب وانتي نبضاته
وصرتي لي الوريد وأنا الدم
وأجمــل اللحظات وانتي معايه
كلمات الغرام استهامت على عرش المحبه لتبحر بالمحبين بعيداً
نطقها اللسان ليثبتها ويجددها مابين الحين والاخر .
ولك فائق التحايا ,,,,
-
اخوي الله يعطيك الف عافيه
واذا هذه اول خاطره فباذن الله القادم احلى
-
أخوي خالد
إطلالتك الأجمل على صفحتي
اللي نورتها بنورها
وعطرتها بحروفك الجميله
تسلم على هذا الراي
فيما كتبت مع أول تواجد لي بهذا المنتدى الرائع
أخوي أتمنالك التوفيق
مع أطيب تحياتي لك ،،،،،
أخوك
الواله
-
السلمي أخي وعزيزي
شكراً مليون
على هذي العبارات التي وقف قلمي عاجزاً
أمامها عن الرد
كما أسعدني تواجدك الجميل
فهذا يشرفني كل الشرف
هذا التواجد
فتقبل مني أطيب تحيه ،،،،،
أخوك
الواله
-
أختي بسمة أمل
أشكرك على هذا المرور الجميل
والله يعافيك
إنشاالله يكون القادم جميل
والأجمل هو تواجدكم في صفحاتي
تقبلي مني أرق تحيه مغلفه بورد الود والإحترام والتقدير،،،،
أخوك
الواله
