الخدامات و الفيس بوك !!!!!!

<div>السلام عليكم بنات
يمكن استغربتو نوعا ما من العنوان ..
بدش بالموضوع دايركت
قبل اسبوعين تقريبا كنت بـ بيت يدتي ..
وخدامة يدتي اثيوبية .. لحد الحين حلو
بس بعطيكم فكره عنها اهيا سوووووسه تحب تتسمع من ورى البيبان و تعرف كل شي ... كل اللي يخطر على بالكم تعرفه جي يمكن صار لها 8 سنين عايشه بالدوحه ويمكن آكثر ... المهم يعني كل كلمة و كل شي تعرفه و تفهمه حتى النقزات تفهمها

( ندخل بالموضوع اللي اهو قبل اسبوعين تقريبا )
انا كنت رايحه عندها اعجف شعري تعرفون لهم خبره .. :p
و هي تعجف شعري انا ماسكه البيبي (البلاكبيري) واسولف
و كنت اطرش فيس يضحك جان تقولي اوووه شنو هاي البلاك بيري الحلو
ابتسمت و ماعطيتها ويه كنت مشتطه بالسالفه وميته ضحك
المهم جان تقولي اممممم بكم شريتي البلاكبيري
انا هني وق قلبي و شكيت فيها قلت لها اممممم غالي وااايد ماراح تقدرين عليه
جان تقول لا لا قولي لي
جان اقول لها وانا اخربط مبلغ براسي و طلع معاي 6700 ريال
558 دينار كويتي تقريبا يمكن -_-"
المهم جان تقولي امممم وهي شكلها مصدومه من المبلغ
جان اقولها ليش ..؟؟
قالت لي لا ولا شي .. بس جي اسئل ... يعني هاي يصير تدخلين فيه ع الفيس بوك ..؟؟
قلت هاا .. اي اي يصير بس كل شي بحسابه يعني غالي ياخذون 100 ريال كل اسبوع
جان تشهق و قالت امممممم
اسكتت شوي و قالت : انتي عندج فيس بوك ..؟؟
قلت لها اي عندي بس ما استخدمه
قالت : حطه صورتج ..؟؟
قلت لها لا
قالت ليش ماتطين صورتج انتي مو حلوه و تمت تضحك !!
قلت لها مب عشان مب حلوه بس انا ماحب احط صورتي
قالت قولي عشان نج مب حلوه وخلاص ليش اتجذبين ... يعني انتي تحطين صورة ورده و فيمس بيبول ( يعني مشاهير ) صح ...؟؟؟؟
قلت لها اي !!
قالت انا اصلا لو سويتلي بحط صورتي
كنت بقول لها عشان الناس يتخرعون لووووووول :krkrkr:
بس سكت واحتمرت نفسي لا تسويلي شي وتحط حرتها بشعري بعد مب ناقصه جان اقول لها ليش ماتسوين لج !
اسكتت و قالت اففف انا ماعندي لابتوب ولا كمبيوتر ولا ايفون !
بققت عيني و قلت شعرفها هذي .. قلت لها اهااا
قالت لما بشتري لا بتوب بسويلي فيس بوك لان كل البنات عندهم
قلت لها من هم البنات ..؟؟؟:eh_s(10):
جان تقول اللي فالفريج (قصدها الخدامات)
قلت لها وانتي شدراج
قالت اسولف وياااهم ... وجان يرن التلفون وتطالعني و اتبوسم
قولها ليش ماتردين جان تقول لالا بعدين برد وحطته تحت المخده
انا هني شكيت وما تكلمت قلت خل اخلص و اطلع واقول حق امي و اهي تتصرف وتقول حق يدتي

وهي كذآ مره اتجيب طاري الفيس بوك و شكلها نااويه على شي بس مابي اظلمها ..!!!
حتى اذكر خدامتنا القبليه اكتشفنا ان عندها دي في دي اللي جنه لابتوب و بايقه سيديات الافلام اللي عندنا و خدامة رفيجتي اكتشفوا ان عندها لا بتوب و فيس بوك و تكلم دريولية .. !!
رفيجتي اللي جكتها شلون كانت تسمعها ع الفير تطقطق على شي بس ماتدري شنو !! .. و بهاللحظه اهي كانت قاعده الفير تبي الخدامه تضرب مريولها اوتي ( تكوي مريولها ) .. و اوقفت عند الباب تسمع و طلع صوت ان الجارج راح يخلص من الابتوب و اعرفت .. وعلمت اهلها

ونفس الشي خدامات خوالي مفتحين ع الفيس بوك وكله يسئلون عنه