حضنتني!!

السلام عليكم كويتيات




قبل ما ابدأ و اقول موضوعي بس بعطيكم نبذه عني

انا الحمد الله بنت دارسة ومتعلمه توني كملت 34 و ما تزوجت.. واحب الهدووووووووء وااايد

علشان جذي انا مو ذاك الزود مع اليهال.. صح احبهم و تونسني حركاتهم و سوالفهم بس بسرعه امل منهم .. لدرجة اذا بروح السوق مع اختي و قالت بتييب عيالها اطفر واقول لها ياليت مره ثانية نروح بروحنا

احب اليهال الكبار يعني من 6 سنوات و اكبر لانهم يسمعون الكلام واقدر اتفاهم معاهم وامشي حالي :D


امس كنت طالعه رحت بيت عمي.. احنا مع بيت عمامي ما انتزاور الا بالمناسبات

المهم!!!!!!!!!!!!!!!!!



امس وانا قاعده ولا يدش ولد عمي ووياه عياله توه يايبهم من امهم (اهو مطلق مرته) وقال لعياله يدشون يسلمون و بستهم ما عدا الصغيرونه ما شفتها(بنته الصغيرونه عمرها سنتين واول مره اشوفها)

ومسكت بنته اللي عمرها 4 سنوات و اكلمها واحاول الاعبها بس لا حياة لمن تنادي (وبيني وبينكم انا ما احب اليهال المتوحشين اللي يكشون ) و خليتها تروح لابوها

وانا قاعده اسولف مع بنات عمي ما اشوووووووووووووف الا البنت العنونه اللي واقفه واطالعني من بعيد وااااااااااااااااااي ودي افقصها تهبل تهبل

شفتها وابتسمت لها


جاااان تشق كشرتها اسم الله عليها وابتسامتها شقاقيه بالضبط نفس ابتسامه الياهل اللي بالصورة

http://www.childrenspanadol.com.au/L..._day.sflb.ashx


جان اناديها تعالي

و تييني تركض و تلمني

امبيه بنات :eh_s(2):

تحضني بقووووووووووووة وبعدين ترد اطالعني و تلمس ويهي بيدها الثنيتين و ترد تلمني بقووووووووووووووه


امبيه بنات انا قمت اضحك بشكل هستيري و العبره خانقتني مادري ليش اول مره احس بالشعور هذا ماني عارفه اشلون اوصفه .. عيوني غرقت دموع ماني عارفه السبب شنو..

و ترد البنت تلمس ويهي بيدها الثتنين و ترد تلمنييييييييييييييييييييي يييي

3 مرات تكرر هالحركه :eh_s(2):

واهي لامتني تمنيت انها تكون بنتي....بنات انا اول مره احس بالشعور هذا ما صار معاي لا مع عيال اختي ولا مع عيال اخوي مع اني احضنهم ويحضنوني

بس هالبنت هذي غير غيييييييييييييييييييير

معقوله هذا اللي يسمونه تخاطب الأرواح ؟!!!!


وانا لامتها و بنات عمي ساكتين و يطالعوني ويبتسمون و اقول لهم انا ابي هالبنت باخذها معاي
..ووالله هذا الشعور اللي كنت احس فيه ابي اخذها ابيها!!!

واهم لا تعليق :eh_s(1):


وطووووول الوقت كانت قاعده بحضني و ترد تلتفت اطالعني وااااااااااااااي وأرد ألمها



بنات معقوله يعني هذي هي مشاعر الأمومه اللي ما كنت افكر فيها نهائيا؟!!!

اشمعنى ما حسيت بالشعور الغامض هذا الا مع البنت هذي بالتحديد ؟!!

معقوله تكون البنت فاقده حنان امها؟!! :eh_s(2):