س : ليش تقرون الكتب ؟؟؟

قوة بنات .. شلونكم ؟
ان شاء الله بخير ....

عندي سؤال .... و مو استهزاء او تصغير لـ متصفحين هالقسم من المنتدى .... بس طرا على بالي هالسؤال

ليش تقرون الكتب ؟؟؟

اذكر قبل ما اتزوج .... كان غرامي اني اقرا اي كتاب بين ايدي ...
ولازم معرض الكتاب اروحه 3 مرات ... بالافتتاح ... و مع المدرسة ... و آخر يوم :)
و الميزانية تنكسر .... سواء من المصروف او العيادي .... ولازم اخذ من امي بعد :ggdw:

كتب اسلامية ( اعتبرها مراجع بالبيت ... مولازم اقراها .. بس اذا احتجتها تكون عندي )
اجاثا كرستي ... وارسين لوبين ( قصص بوليسية )
كتب القراءة السريعة ... خريطة العقل ..... وهالنوعية من الكتب اللي كل ما اروح فيرجن بالمارينا لازم اشتري منهم ....

ولما كنت بالجامعة .. كنت احب استعير الكتب ....
ومجلة العربي مرات اشتريها و تعجبني ....

ولما تزوجت .... شريت كتب واااااايد .... اغلبهم من النت ( كتب تعليم حياكة - طبخ - مكياج - شعر )
مع ان عندي سيديات تعليم ... الا اني احب امسك الكتاب اكثر ....

مشكلتي .... من بداية هالسنة ( 2012 ) كنت حاطة في بالي اقرا لي جم كتاب بس احس
شنو الفايدة ؟
قبل كان هالشي لان عندي وقت فراغ
الحين ماعندي وقت .... و مشتاقة حق الايام اللي كنت اقرا فيهم
وكل مالقيت فرصة اني اقرا كتاب .... اقول بقلبي ... اقوم اقرا قرآن ابرك لي ....

ارجع حق سؤالي مرة ثانية ...

ليش تقرون الكتب ؟؟؟


وودي ارجع اقرا مرة ثانية ... بس ماعندي اي دافع :( او وقت ( صار عندي زوج وعيال ومسؤولية ومابقى شي على ولادتي :eh_s(2): )


وادري قرقت عليكم وايد ....
وسوري عالازعاج :eh_s(17)::eh_s(17)::eh_s(17):