شعر مبدا المحبه غرام ومنتهاها جروح

http://www6.0zz0.com/2012/02/24/19/696090209.gif



مبدأ المحبة غرآم ومنتهاها جروح !!!


يا من ذبحت المحاني مـن غـلاك الجمـوح
مرابطـك فـي خفوقـي ليـه .. خليتهـا !!

نسيت مفـلاك فـي ضلـع الغـلا والسفـوح
اللي علـى طـارف اضلاعـي تخطريتهـا

فوحـت دلـة غلاتـك .. والمشاعـر تفـوح
وبـنّ الهـوى يحيـي الأذهـان ويميتهـا !!

وصبيت لك من بهار الطيب ( فنجـال روح )
ونثـرت صبـة يمينـي .. يـوم مديتهـا !!

اوجعتني وأنت ما تدري .. لو أنهـا مـزوح
وفهمـت وش مقصـدك منهـا .. وقاسيتهـا

يا ليت جرح الهوى لحظـات عقبـه يـروح
ما كان نفسـي علـى فرقـاك .. حديتهـا !!

عواصف الحزن هدت مـن جفـاك الطمـوح
في كلمة (ن) لا وصلت إلهـا .. تعديتهـا !!

أسكت الحزن فّـي .. وتنطـق العيـن بـوح
حسبـي علـى دمعـة لرضـاك هليتهـا !!

خلاص باح العزا لـو كـان قلبـي سمـوح
يـا أول وآخـر أمانـي قـد .. تمنيتهـا !!

الحب ماهو بغصبـا !! تبغـي تـروح روح
ذبلت ورود المشاعـر وأنـت مـا اسقيتهـا

قد قلت لك .. والقسى في عين صـدك يلـوح
حدك معك بالجفا .. ومـا كنـك اوحيتهـا !!

مبدأ المحبـه غـرام ومنتهاهـا جـروح !!
هي هكذا .. تجربتهـا .. يـوم عانيتهـا !!

ما كنك اللي عرفته !! يـا الغـزال الذبـوح
حيرتنـي بأربـع اشيـاء .. مـا تهقويتهـا

( حبك / وداعي غلاك / وغيرتك / والوضوح
ماتت مـن الحـزن ولا ويـن وديتهـا !! )

أن رحت عنك تجي .. وأن جيت يمك تروح
يـا تنهـي المسألـه ولا تـرى انهيتهـا !!

كرامتـي مالهـا .. إلا استاذنـك بالنـزوح
فإجمع خطايـا الغـرام .. وشـب كبريتهـا

http://www8.0zz0.com/thumbs/2011/06/03/16/850833300.jpg

مماراق لي والشاعر لا أعرفه صح لسانه