سيارة راعي الحلال الي حلاله قريب منه ههههه

اغنام - ابل - دواجن - طيور

اخواني اعضاء وزوار المنتدى الكرام:
السلام عليكم ورحمة الله وبركاته
يوجد لدي سياره مستوبيشي (جلنت) موديل 84 غماره
لوحاتها من القديمه ارقام يعني تجديده وحده
واستمارتها منتهيه والله مدري متى منتهيه باقيه عند راعيها مابعد اخذتها منه والي يبها بدون استماراتها عادي
عموماً هي مكلفتني 5300ريال
وضبت مكينتها وغيرت اديتر جديد وغيرت اربع كفرات جديده وصلحت كهربتها من الصدام لصدام
ونجدت مراتبها

ملاحظة / ابراء للذمه السياره تنقص الزيت الظاهر من السلندر مالله كتب اني اخرط سرندله يوم وضبته اما غير ذلك على الشرط الي مشاويره قريبه ماراح يصرف كثير
الصور اعذروني ما اعرف انزلها والبيع سمح بفلوس ولا بشياه ماعندي مشكله

انا ماحطيت رقم جوال عشان يكون السوم هنا في المنتدى والي تصلح له سومتي بدق عليه

الموقع /الخرج - الدلم