اللهم اكفنا شر الحاقدين والحاسدين

مرحبا يا بنات
بقول لكم سالفه مضايقتني وايد وايد من شهر تقريبا
صديقه لي بالجامعه هالكورس وايد احسها تحقد علي للعلم اني والله احبها كاخت وصديقه وكله وياي بدايه كلمتني قالت لي انتي اسلوبج مب محترم ومن هالحجي وانا اكلمج عشان مصلحتج وفي ناس كلموني ان اسلوبج مب عدل وان الناس بتقول عنج مب متربيه انا قلت لها دامني تربيه امي وابوي انا عاجبني اسلوبي والحمد لله والله يشهد علي اخلاقي حلوة وطيبه مع الكل وعمري ماحتقرت احد بالعكس اصلا كل ربعي اعتبرهم خواتي وخصوصا اهي عاد انا حقرت كلامها لان ماهمني عقب جافتني بالجامعه قالت شفيج احسج زعلتي من كلامي قلت لا عادي قالت اي صراحه انا ساعات ابي اتصلج اتعلميني شي استحي منح وانا والله ساعات من نفسي اوقات الامتحاناات اروح واتصل لها واجوفها شتبي اذا في شي صعب وادرسها قبل الامتحان .. وتقولي انتي اذا اتكملين امتحاان ساعات ابي اسالج عن الاجابات ماترضين تقولين قلت لها انا طبعي جذي ماحب اتكلم بالاجابات واقعد احااتي وافكر .. المهم ومن فتره واحد معانا بالجامعه كان بيتقدم لي واهي تدري بالموضوع ووالله ماكتب بينه نصيب وانتهت السالفه اهي راحت وخبرت بنات ان انا وهالصبي بينه علاقه وان اهو حبيبي وانا لا اكلمه ولا شي والله يا بنات اناا منها حدي مقهوره لدرجه اني ماقدر استوعب شي بالدراسه وادري انها جذابه اتقول انتي اختي وانا من جدامج وامن وراج امدحج اقول في نفسي مب محتاجه مدح من هالاشكال
انا ابي ابتعد عنها شلون اتجاهلها انا طيبه وماعرف اكره وااحقد على احد