( السلام عليكم ورحمة الله وبركاته )
،، الحمدلله الذي اطعمني هذا الطعام ورزقنيه من غير حول مني ولا قوة,,
ياهلاا وغلااا ..بالغاليات..مشتاااقه لكم
قبل جم يوم سويت هالأكلتين ..والصراحه الطعم رووعه
وسهلين ما يبيلهم شي
توكلوا على الله وسووهم..والنتيجه مضمونه ان شاء الله
نبتدي يا صباياا..حتى الكبار باقولهم واناديهم يا صبايا.. وعلى قولتهم ..الشباب شباب القلب
نبتدي بسم الله
اول شي نحط الجدر على نار متوسطه ونضيف حوالي ثلاث ملاعق اكل زيت
ونضيف حوالي اربع بصلات كبار مقصصين صغار عليهم
وبدون ما نقلب ولا نحرك البصل ..حبيباتي..على طول نضيف كميه محترمه من الثوم والزنجبيل
وعلى طول نضيف فوقهم ..وبدون تحريك دجاجه نقطعها صغار..وكل ما كانت اصغر..استوت معاج وانتي تحمسينها على النار اسرع..
ونضيف حوالي حبتين فلفل بارد تقصصينهم صغار..وكل ماكانو صغار..احلى..علشان ما يبينون معاج بالحمسه ..يصيرون مثل الصوص
آنا كنت مستعجله وقصيتهم بهالكبر الي تشوفونه
ونضيف ..ملعقة اكل بهارات مشكله+ نص ملعقة اكل فلفل اسود+ ربع ملعقة اكل هيل ناعم وجم حبه صحيحه+ نص ملعقة كركم+ نص ملعقة كزبره مطحونه+ نص ملعقة كمون ناعم+ مكعب ماجي +ملعقة اكل ملح..وهالشغله حسب ذوقج تقللين الملح او تزيدينه.
ونبتدي نحمس ونقلب المكونات..ونعلي على النار.. ونسكر الغطا..طبعا بدون اضافة اي ماي وكل خمس دقايق..نفتح الغطا ونحمس عالخفيف
أول ربع ساعه على نار عاليه وطبعا مع الحماس المستمر عالخفيف
..وعقب توطين على النار..وتستمرين كل شوي..تفتحين الجدر..وتحركين تخلين المكونات الي تحت فوق..والي فوق تحت.
وهالحمسه بشكلها النهائي راح تكون ثقيله بدون صوص سائل..
اذا انتي حابتها فيها صوص زياده..ضيفي بعد نص ساعه من الطبخ حوالي قلاص ماي..
ومو محتاجه دهن زايد..لان الدجاج راح ينزل دهنه الي بالجلد
ونصيحه..وانتي تحمسين..بالقفشه او الملاس اخذي كل الي يلزق بقاعه الجدر هو الي راح يعطيج الطعم بهالحمسه والتحمش اللذيذ..لان البصل والفلفل البارد راح يتكرمل .. ويعطيج طعم يمي يمي.
وعقب حوالي ساعه نسكر على حمستنا .
الحين نبتدي بوصفة البطاطا الحاره
بطاط تقصينه مكعبات وتقلينه بالزيت..وتجيكين عليه قبل لا يستوي بشوي تطلعينه وتنشفينه من الزيت
بعدين تجيبين لج مقلاة واسعه او جدر..ويفضل التيفال الي ما يلصق
وتضيفين ثلاث ملاعق زيت زيتون..او ثنتين. آنا احط ثلاث ..اهو الي يعطيها الطعم المحبب
وطبعا النار تكون متوسطه..اضيف ملعقتين أكل معجون طماط+ ملعقة أكل كاتشاب..واحرك اخليهم يمتزجون بالزيت ويصير احمر..وعقب اضيف البطاط الي قليته + فصين ثوم مدقوقين ناعم+ نص شدة كزبره ناعمه..واذا حابه تقللين حسب الذوق+ نص ملعقة اكل فلفل اسود+ ملح+ ملعقة اكل دبس الرمان+ + نص ملعقة كزبره مطحونه+ شوية كمون مطحون
+ربع ملعقة فلفل احمر حار..والي تبي تزيد حسب الرغبه..وتحملها للحراره..آنا علشان عيالي اقلل.
ونحرك ماسبق بخفه...وتديرين بالج وانتي تحركين لا تهرسين البطاط.مع اضافة نص استكانة ماي..ونعلي عالنار حبه..واحنا نحرك نخلي المكونات تتمازج عدل بهالشكل.
تفضلوا الوصفتين بشكلهم النهائي
بكمل الصور حبيباتي..لحد يرد لو تكرمتواا
