حبوب منع الحمل بعد الطفل الاول
السلام عليكم
بنات انا توني والده الحمدلله وهذا اول بيبي لي
ذبحني التفكير
كل ما افكر بطلوعتي يضيق خلقي وسبة الحمل
الحمدلله انا ادري ان الحمل نعمة كبيرة من الله
بس ما اقدر على اثنين صغار ما راح اقدر أربيهم عدل
والوحام والحمل سالفة
ف ابي سنة ونص اقعد بدون حمل من بعد اذن ربي سبحانه و ارادته
ما نقدر عالمانع الطبيعي
لان صعبه بيذبحني الوسواس ويمكن منه يصير حمل
توه رفيجتي كلمتني وقالت اكلي حبوب
وامي قالت اكلي حبوب
بس مادري جنه محد ياكل حبوب عقب الاول
انزين شلون عالواقي الذكري
في احد استخدمه ؟ احسه يضايق ولو استعملناه نعوفة
بنات شورو علي شسوي طريقة مضمونه
لا تقولون لولب مابيه
وشرايكم بالحبوب ؟ ومنو استخدمت حبوب مانع عقب الاول ؟
وايد افكررررر
:eh_s(2):
