منوعات & عام الملك يريد تغيير الشعب !!!!

في مملكة هياطستان العريقة .... كان الملك المحبوب يجتمع باصحابه ( الاخويا)

كل ليلة خميس .. لأنه تعود ذلك من أيام الابتدائية مايسهر الا ليلة خميس ..

هكذا عوده أبوه.

وفي ليلة باردة أبرد من وجه ال زلفه واصحابه.. اتصل علي الملك

وقال : تعال اسهر معنا .

سهرت معهم سهرة تخلو من كل شيء سوى البالوت ورائحة التبغ..

وبينما القوم يلعبون البالوت .. كان الملك الحبيب يقضي بعض وقته مع لعبة في الايفون .

أغلب ظني انه وصل بها الى المرحلة الرابعة .. ولم يستطع عبور تلك المرحلة ..

كان حينها يستشيط غضبا ..

رفع راسه قليلا فوجدني أمامه لا أفعل شيئا سوى تصفح الوجوه فناداني

وقال: تقدر تفّوزني بهذا القيم ؟

قلت له أبشر .. لبّيك وسعديك .. ماهي الا دقائق

حتى انهيت اللعبة فأعجب بذكائي ودهائي .

كبرت في عين الملك فأدناني منه , وقال بصوت أشبه بهمس الخائف :بجادوووووووووه

ابي اقول لك شي واعتبره سر بيني وبينك!

قلت له سم طال عمرك . قال : بصراحة مللت شعبي وبدأت أبغضه ..

شعب فسقان .. ولا يعجبه العجب ..اتقرب اليهم شبرا .. فيبعدون عني ذراعا ..

أتيهم مشيا فيفرون عني هرولة .. بصراحة ماادري وش اسوي معهم .

قلت له ياطويل العمر .. لعل حاشيتك وبطانتك سيئة ولايفعلون ماتريد ..

قال لنفرض جدلا انهم كذلك .. لكن الشعب رفع ضغطي وجاب لي المرارة .

عاشوا لأكثر من ربع قرن لايحلمون الحديث في السياسة حتى مع زوجاتهم .

ومع هذا باتوا اليوم يتشدقون بالحرية حتى في المجالس العامة.

وينسبون الفضل للعولمة وتغير الوقت والمرحلة ..

كانوا يحلمون ببيجر !!!!

وصاروا اليوم يملكون الجوالات على اثنين وثلاثة لكل مواطن !!

كان الضمان الاجتماعي أو مايعرف ( بالشون)

لايعطى الا للعجائز والشيبان كل سنة .

وصاراليوم يأخذه كل محتاج فقير وشهري وبالصرافة ..

ذبحني يالبيه هالشعب المهايطي ..تجدهم يتحدثون عن الفساد ورائحة الفساد

وهم لو ذهب احدهم الى فرن التميس ,لبحث عن واسطة كي لايقف بالدور .

شعب تافه و**** ومهايطي ..

يبحثون عن التطور في المطارات والطائرات ..

والواحد منهم حينما يركب الطائرة هو وعائلته ..

سوى زحمة ,وابي عايلتي معي وبجنبي وحولي وحوالي كنها طايرة ابوه !!

وهو جاي قبل الرحلة بخمس دقايق ويبي كل العيلة بجنبه..!!

الاسلاميين فقعوا راسي بالحرام والحلال .. وأغلبيتهم ائمة مساجد.

يتركون مساجدهم في رمضان وغيره, للبنقالي والهندي وعابر السبيل.

وهويلهف راتب الامامة على الجاهز !!!!!

يفسرون الاحلام لغرض التكسب , يفتون لأجل الشهرة ..

يرقون الناس للبحث عن الثروة.

والليبراليين يقنعوني بالحرية وفقعوا راسي بالحرية .

واكتشف انهم يريدون حرية الافخاذ والسيقان!! وسب الاله والرسول .

يبحثون عن الشذوذ ,ينادون بحرية المرأة ونسائهم خط احمر !

يحبون الاختلاط لكن لايودونه لنسائهم ..

يدعون الثقافة وتطلع ثقافتهم كل ثقافتهم .. حرية شرب الخمر والمرأة !

انتظر منهم رفعة للعقول ورقي بالتفكير ..

فلا يصلني منهم سوى روايات فاشلة جنسية فاضحة ..

اهل القطيف حتى معمميهم ماأعطوهم ربع ماأعطيته لهم .ومع هذا يوالون

ايران التي تلفظ كل عربي وتبغضه !!

الشعب يلبسون اولادهم طيحني وسامحني يابابا

ويريدون مني منع أولادهم من المشي بالشوراع بهذا اللبس !

شعب مهايطي كذاب أشر .. هم اكثر من يتحدث عن الجنس

في جلساتهم وروحاتهم وجياتهم .

وهم اكثر الشعوب استيرادا للفياقرا .. قبحهم الله!

شعب يجيدون التنظير والهياط في كل شيء ..

يتحدثون عن حلب الشهباء ليه ماتقوم نصرة لأخواتها حمص وحماه ودرعا ..

وهم لو حصل في الجنوب زلزال لقالوا : هؤلاء 07 ولحوج ماعلينا منهم .

ولو غرقت الغربية وجاءها السيل لقالوا : هؤلاء طرش بحر ومخلفات حجاج ..

أهل الشرقية شيعة وبقر مجوس .. اهل الشمال بدو متخلفين ..

كرهت هذا الشعب الغبي الذي الى الان لايستطيع ان يغير كفر سيارته اذا بنشر ..!!

شعب لو يبي خبز من البقالة التي لاتبعد عنهم سوى امتار ذهب اليها بالسيارة ..

ولاينزل بعد .. يدق بوري للهندي عشان يوصله له..

شعب يغير فكره ومبادئه كما يغير ملابسه وجواله ...

شعب يدخل للحضارة من مؤخرتها .. تدلهم على الطريق الصحيح ..

فيصر على الدخول من مؤخرتها ..!!!

تعبت .. تعبت حقا من هالشعب الفاشل .. ابي اغير الشعب ..

ابيك تشوف لي يالبيه شعب مناسب طيوب حبوب ..

مبادئه وثوابته لاتتبدل بتبدل المصالح والمنافع ..

ابيك تشوفلي شعب يثمر فيه المعروف ويبين بعينه .. أبيك تشوف لي شعب ..

يبني ولايهدم .. يقدم لأمته دون مصلحة ..

مو ينقذون الغرقى ويصورن عشان أعطيهم دراهم ..!!

تركت الملك الحائر تلك الليلة ..

ووعدته خيرا بأن أبحث له عن شعب .. (دندون) يستحق ان يسكن مملكة هياطستان!!ا