بسم الله الرحمن الرحيم
طريقة المعدس
أولا شي صارلي يومين اتنسى بالمعدس ينيييت دقيت على يدتي
أقولها سويلي ولا تقولي باجر أسويلج
دقيت على مرت عمي تقولي انا بالبر :eh_s(16):
وأمي مسافرة واي ينيت ينيت جان أقول والله و لا منّة أحد
جان إدق على يدتي و أقولها علميني الطريقة و علمتني
ودقيت على مرت خالي و علمتني بس بطريقة ثانية و كلمت ام رفيجتي ولا طريقتها
غير .....
يووووووووووووووووووووو:rgewr g: عصبت وتدودهت
جان أقوم و أزهب العدة و هي كالتالي :
*** طبعا بنات مقداري كان ل 4 أشخاص : كوب عيش + ثلاث ارباع كوب عدس
الطريقة :
1- نحط دهن مو وايد يعني قولي نص كوب و نحمس البصل طبعا يكون البصل مقطع حلقات و نخليه على نار وسط مو وايد عالية ونضيف ملعقة كركم صغيره و ملعقة فلفل اسود ناعم صغيرة و رشة ملح
2- بعدين نخلط (العيش+العدس) مع الدهن والبصل و نخلط لما يختلط البصل بالعيش
3- بعدين نضيف ماي على العيش و العدس و نخلي الماي اعلى من مستوى العيش و العدس ب صبع واحد يعني شوفو المعقة الخشب شلون بس هذا ارتفاع الماي علشان العيش مايصير هريس و مريس
4- نسكر الجدر و نقصر عالنار على ما يستوي المعدس :eh_s(15):
5- نبطل الجدر شوي و نخلط المعدس شوي على ما يستوي شوي بس نخلط و نسكر الجدر مرة 2 ونخليه لمدة ربع ساعه طبعاَ راح تطلع ريحته أويلي :eh_s(22):
6- بعد ربع ساعه نفتح الجدر و نشوف إن العيش صار نثري و ناشف منه الماي
ونشوف شلون شكلة الأخير ............
طريقة الفرقاعه :
نحمس بصل مع زيت مع ملعقة كمون وحده صغيره بسسسسسس
بهالشكل
وبعدين نصبها على المعدس :D
وإذا ماتبون تصبونة عليه خليه في صحن صغير االلي يبي حسب رغبته :)
وسلامتكم و بالهنا والشفا :)
