السلام عليكم جميعا :eh_s(22):
صبآحكم / مسآكم سكر وعسل :$
مو عارفه من وين ابدا بصراحه ..!:eh_s:
انا بصراحه عضوه قديمه حيل بامنتدى بس ماعمري شاركت بس تحمست يوم شفت الاخوات يردون على بعض ويتشاركون في حل مشاكل بعض :icon30:, وبصرآحه تحمست اني اكتب مدري يمكن تعتبرونها فضفضه او مشكله بس حابه اتكلم بشي ماعمري تكلمت فيه لاحد ولاني اعتبركم زي خواتي راح احاول اعبر قد ما قدر :eh_s(21):..
اول شي بعرفكم بنفسي انا عمري 21 سنه وبدش ال 22 سنه انآ البكر من بين اخواني كل اخواني اصغر مني وعندي اخت اخواني واحد باول جامعه والثاني بثاني ثانوي واختي بخامس ابتدائي يعني ماعندي خوات او احد كبري . وامي وابوي عايشين الحمد الله :o..
بصراحه فديتكم انا طول عمري اتمنى ان يكون عندي اخت :eh_s(11):صح عندي رفيجه وحده بس مايكفي الوضع غيرررر لمن تكون لج اخت تشاركينها وتشاركج وتستهبلين عليها وتتهاوشون وتطلعون مع بعض تشتريلج شي نفسج فيه وانتي تسوين نفس الشي والاهم تحل لج مشاكلج تتستر عليج تقولج اسرارها وتقولين لها اسرارج :eh_s(22):..
بقولكم شلون كانت علاقتي في امي , امي كانت مجرد ام جدام الناس فقط اما بالبيت مابينا اي علاقه بس اومر مثلا هاتي الشي الفلاني جيبي الشي الفلاني وابدا ماكو سوالف بينا ابد ابد ابد حتى علاقتها باخواني جذي وطبعا ابوي ماله علاقه بهالامور لان من برنا صار مايعرف شلون يتكلم معانا مايعرف تفكيرنا فصار علاقتنا فيه رسميه حيل ..
بقولكم سر دمرلي حياتي وخلاني كل يوم افكر فيه وكلما شفت الشخص اتذكر واكرهه اكثر واكثر
يوم كنت صغيره كننا ساكنين في بيت كبير شوي احنا بالطابق العلوي والي تحتنا زوجه جدي الله يرحمه واعمامي وعماتي من جدي ,طبعا كل يوم انا واخواني ننزل ونتغدا ونلعب كنا نحبهم حييييل زوجه جدي طيوبه وحبوبه وعلى نيتها وتعتبرنا احفادها المشكله مو هني المشكله تبدا باعمامي من جدي كانت عيونهم علي والله كنت بريئه ومافهم شي , تخيلو مع مرور الايام جاني عمي الصغير كان بالمتوسطه تقريبا لمن اهله يطلعون انا مادري انهم طالعين فانزل تحت ادورهم قالي مو هني قالي تعالي بقولج شي قلت شنو قالي بوريج شي بس يكون سر بينا قلت شنو قال بوديج الجمعيه المشكله كان يعرف نقطه ظعفي الككاو والشبسات تعرفون كنت بزره مافهم قالي طيب تعالي ووداني المجلس بعيد عن الصاله والغرف ولها باب منعزل وقفل الباب واعتدى علي والله ويعلم الله ان كل يوم يصير هالشي وباي مكان يصيرلي معاه وقسسسسم بالله اني ماكنت اعرف شنو ذا وكنت اسكت لاني بزر لانه بيوديني الجمعيه زي مايقول , عمي الاول الصغير مع مرور الايام خف عن قبل وصار مايسوي شي فيني بس طنشت لاني ابدا مافهم المشكله ان عمي الثاني الكبير صار يسوي فيني نفس الشي ورب البيت مادري عن شي يمكن ماتصدقون اني كنت بالتمهيدي كنت صغيره بس في اشياء اذكرها ( اعذورني على جرائتي بس ابي اوصل لكم الفكره:eh_s(22):)
بعدها امي درت وقالت لزوجه جدي وصارت مشاكل , طبعا الموضوع انتهى بس مانتهى بالنسبه لي صرت اشوفهم اكرههم اكثر واكثر والله اكرههم , اعمامي اليمن جدي وجدتي ماعمرهم سوو فيني جذي ليه ذولي سوو فيني جذي والله مو قادره انسى كرهت حياتي ودنيتي بسببهم كل واحد فيهم عاش حياته الا انا انا ميته من داخل بس بلنسبه للكل ان الموضوع قديم ومدفون وللعلم ابوي مايدري ولا قلنا له ..
نبدا بالشي الي تاعبني اكثر , بنات مشكلتي بالحياه هي امي من وعيت عالدنيا وصر افهم الدني لمن تعاقبني على اتفه شي تظربني وتهددني ان ابوي يذبحني طبعا هالكلام كنت بالاعداديه والثانويه
كانت تظربني باقسى شي عندها مثلا مره كنت ناسيه دفتري بالمدرسه وكنا ويك اند المفروض اذاكر وبعد الويك اند اختبار بس اختبار قصير مو النهائي تخيلو طقتني طق سنه بساعه , طقتني بالاقلام حقتي على راسي وفتحت شري وشدته وسحبتني بالارض وطقتني طق وانا من الصدمه ابكي واصرخ انادي ابوي وهي تسحب اي شي على الطاوله وترميه علي قلت بنفسي اليوم اخر يوم بحياتي وكبت علي زيت شعر اشياء كثيره ماذكرها وشدت شعري بيدها ووقفتني من شعري وجابت موس من درجي مدريمن فوق طاولتي وتهددني تحلق شعري وانا اصرخ صرخ انادي ابوي وابوي ماجا مع ان صراخي واظح وكنت ابجي بجي مو صاحي ولمن تركتني طلعت وانا من الصدمه اطالع نفسي بالمرايه ووجهي اسود ازرق احمر من الي صارلي وانا ابجي من الصدمه حسيت اني بحلم جلست على الارض وابجي كل ذا عشاني نسيت مو عمدا والله مو عمدا نسيته بالمدرسه ومن ذاك اليوم كرهتها ما اعتبرها امي , ومره كان في فتره اختبارت قران او انجلش مذكر بالظبط احنا عندنا خطه دراسيه تتوزع علينا كلنا وانا حقتي مالقيتها اثري صديقتي الي يمي اخذت حقتي بالغلط يوم قلت لامي نادت ابوي خلته يمد ايدهعلي ظربني صوت عيوني وعلى ظهري وراسي هي ماسكه شعري تشده وهو يصرخ ويظرب باقوى ماعنده شفت بس كف طاير على عيوني بعدها مادري شصصار بعد الطق شفت وجهي مورم وراسي صوب جبهتي مورم اززززرق , طيب ليه ليه كل ذا عشان شي مو مقصود ومن عقبها كرهت امي وابوي وكرهت الدراسه ,
طبعا امي تبي تصلح علاقتها فيني وفي اخواني للعلم هي ماعمرها مدت يدها على اخواني بس انا الي كنت فار تجارب لهم وبعدها يوم صرت باخر ايامي بالثانويه وعلى ويه جامعه قامت تصلح علاقتها فيني
بس والله لليوم مو قادره اتقبل انها تكون زي صديقتي لان كلمتها غير افعالها يعني مثلا تقولي يابنتي انا سترج وغطاج تعالي قوليلي وجذي وجذي , ولمن اجي اقولها تعصب وتسبني طيب ليه تقولين تعالي صارحيني صرت وربي يابنات اي شي اشوفه او يصيرلي مااقوله لها صرت اقول لرفيجتي وبس لان رفيجتي تعرفني اكثر من امي ومستحيل اقول حق امي اي شي ,
ادري امي تكرهني لا تقولون تحبني بقولكم ليه , كم مره سمعتها تتكلم من وراي جدام اخواني يحشون فيني مثلا يقلون اني غبيه ومافهم طيب انا مو غبيه انا استيعابي على قدي الي يفهمني بيعرفني بس انا مو غبيه وامس ابوي حاط سبيكر قالت له ذي فيها غباء والله وهي ماتدري اني اسمع انصفق وجهي قدامه ,
ومره قالت لي لا تفرحين اننا دخلناج الجامعه عشان سود عيونج لا يا ماما احنا دخلناج عشان نقول للناس بنتنا داشه جامعه والقسم الفلاني يعني يابنات السالفه سالفه مظاهر والله جاني احباط وكل سنه ارسب بس ما اقولها ابد , ومره قالت لي اشك انج بنت يعني تشك اني عذراء بنات اسالكم بالله في ام تقول جذي لبنتها ؟ كرهتها اكثر ,
وبصراحه بنات انا حبيت شخص طيب وعلى دين وخلق وكل شي ورفضته باسباب مو مقنعه قالت رضاي بكفه وهو بكفه مع اني احبه واموت فيه , اخترتها هي مع اني ماحبها عشان رضاها وتركت الانسان الوحيييييييييد الي يعرف شفيني من سكوتي اكيد حاسين فيني يارب حاسين فيني
انا بصراحه ماعرف اصفصف كلام بس حاولت قد ماقدر لاني حيل حيل تعبانه والحين عمري 21 سنه واحاول ابني علاقتي فيها بس هي تهدمها لاي سبب وعلى فكره هي زرعت فكره اني غبيه بعقل اخواني والكل يشوفني غبيه حتى ابوي ,
والله بجيت دمممممم والله دم لانها رفضت الي احبه وغير ذا بسبب معاملتها معاي , انا ماقول ان مافيها طيبه والله فيها طيبه بس لمن تعصب كل شرها يطلع علي ومشكلتي اكتم بداخلي مدري ليه .
سوري طولت عليكم بس مدري هي مشكله او فضفضه
ومشكورين على متابعتكم لموضوعي فديت عمركم والله :eh_s(2)::eh_s(17):
دمتم بخير حبآيبي ..
