جــاروليـــم .. ما بين وبين .. بين الوحشيــن .. تعالوا بسررعة (( للعقلاء فقط ))
السلام عليكم
اسعد الله مساكم / صباحكم
كيفكم يا حلوووين
اليوم اشوفها فرصة نتناقش فيها عن اوضاع الفريق
فترة راحة لهم
ولنا ايضاً
الدوري قد ماهو متعب لهم .. متعب عصبياً لنا !
ولكن مانقول الا هانت
حاب افتح نقاش عن المجرم الاصلع
مدربنا الكبير جاروليم
واتمنى ما اقرا الكلمات الرنانة اللي البعض دايم يتحفنا فيها
مثل : مندس .. مطبل .. عميل .. شيوعي هههههه
حاول تفتح افق التفكير عندك وناقش بعقلانية
اللي يقول ان مدربنا ما سوى شي .. غلطان
اللي يقول مدربنا ماله بصمة .. من جنبها
بسألكم سؤال ..
بالله عليكم متى شفتوا الاهلي منظم ويلعب كرة سريعة !
ياشيخ وربي من ايام لوووكاا
وجيل السويد وقهوجي والمشعل وعبيد والزهراني وعبدالغني وشلية وسليمان
احلى واقوى فريق كان مابين 2000 و 2002 اظن
من يوم جا جاروليم
غيّر رتم الفريق
صرنا نشوف كورة حلوة
كورة استعراضية هجومية
فجّر امكانيات اللاعبين
تلقى لعب من الاطراف
من العمق
كرات طولية
كرات بينية
كرات عرضية
كرات ثاابتة حتى !
عمل كل شي ولم يخلّ من تركيبة الفريق
لحد هنا وحلوووين
واعتقد متفقين
ولكن
فترة الراحة اعتقد انها فرصة
باين ان الفريق مُستنزف ع الآخر
عشان كذا قلت ان فترة الراحة جات في وقتها والحمدلله
باقي ستة مباريات في الدوري اوكي !!
طول المباريات اللي راحت كنا نلعب مباراة وحدة في الاسبوع
من بعد الراحة واستئناف الدوري راح نلعب مباراة كل 4 ايام
مابين دوري .. واسيا
وصعب انك تفرط في اي نقطة
فأ انا اشوف من وجهة نظري
واجب على المدرب يغير من تكتيك الفريق
عشان يحافظ على المخزون اللياقي من الضغط اللي راح نواجهه
حنا نعتمد عى اللعب بمحور واحد واثنين في الوسط يدعمون الاظهرة
المفترض من اليوم ورايح نلعب بـ محورين اثنين
ونعتمد على الكرة الطويلة و لسعات كماتشو
اول الحلول :
تثبيت اثنين محاور واظهرة الفريق .. وتيسير يكون كالعادة .. يدافع ويهاجم وقت اللزوم
وتفريغ كماتشو مع المهاجمين
ثاني الحلول :
الحل الثاني واللي انا شخصياً ما افضله ابداً .. هو اللعب بمهاجم واحد وخماسي في النص
لان وسطنا للاسف ما يضغط على حامل الكورة
ولأن الفرق المقابلة تضربنا بالكرة الطولية من الاطراف
الاندفاع الهجومي غير مبرر ابد ابدا ابدا
لان زي ما قلت
الوضع ما يسمح .. ومافيه فرصة للتعويض
لو راحت نقطة علينا راح نبكي عليها بدال الدموع دم
لازم نلعب بتوااازن وبهدووء .. خصوصا ان عندنا مهاجمين اثنين ما يرحموا
يستغلوا انصاف الفرص واخطاء المدافعين
لازم نستغل الفرق اللي تبي تعدل من وضعيتها
لان الاهلي الان اصبح فرصة لكل فريق انه يثبت نفسه ويلعب بكل قوته لاننا الافضل حالياً !!
ارجع واكرر
لابد
لا بد
من اللعب بمحورين اثنين وتثبيت الاظهرة
تفوز بهدف واحد وعلى الواقف .. افضل من انك تفوز بعشرة وترهق فريقك
اللعب بمحورين وتثبيت الاظهرة يريح الفريق ويغطي على الخلل في العمق
وبالنسبة للمثلث اللي قدام
اعتقد ما يحتاجون مدرب !
اتمنى نقاش حلوو اووكي
الله يوفقنا ونجيب الدوري
