هذا هو المطلوب في هالوقت بالذات

اهلين



في هالوقت الجماهير النصراويه تتابع بعين وحده للمعسكر والعين الثانيه تحاول تشوف اي شي يشغلها عن النصر عشان ماتتفائل وتنصدم وانا بصراحه ما ألومها في الفتره الاخيره ما أتفائل على المستوى القريب والمفروض انا مانطالب الاعبين باي بطوله هالسنه لاكن ان جت خير وبركه لان الضغط مايتحمله اللاعب النصراوي خصوصاً في الوضع الحالي .
الي نبيه من لعيبة النصر في كاس الملك المستوى فقط المستوى نبي مستوى يخلينا نقول حتى واحنا خسرانين لاسمح الله ( الفريق ادى اللي عليه بس الله مااكتبها لنا ) وبكذا البطوله ((( ممكن تجي ))) .
انا اطلب من الجماهير النصراويه تلتزم الهدوء في هالفتره لا من ناحية سب او تحطيم او نقاش عن لاعبين اجانب او عدم القناعه في المدرب كل هذي الي يتكلم فيها انا اعتبره يبي يضرب الفريق . يا ناس لاعب التنس او اي لاعب اذا هو اثناء اللعب هل شفتو المدرب يوجهه ابداً لأن هالشيء يفقده التركيز ويسبب له شوشره اثناء اللعب لاكن اذا انتهى بدا التوجيه .

جمهور النصر المحترم الكلام لكم لاتسمعون في الفتره الحاليه للي يستهزؤون بالمعسكر فيه ناس قليله موجوده بيننا لها اهداف غير اهدافكم ولهم فرحه والله تختلف عن فرحتكم هم في الجهه المقابله يفرحون على حزنكم ويحزنون على فرحكم انا مااعمم وانتم اصبحتم تعرفون انا مااقول لاتنتقدون بالعكس هذا المفروض وهو اساس النجاح بس النقد له وقته والفرح له وقته وعدم المبالغه في الفرح وفي النقد له وقته بالمختصر لازم نترتب الفتره هذي فترة لازم مايكون فيها مبالغه في التفائل ولا فيها تحطيم فيها مؤازره ومطالبه بتقديم مستويات مرضيه لكل النصراويين .


لكم احترامي وحبتي ،،،،