-
رديّّّه بيني وبين الكايد
[poet font="Simplified Arabic,4,black,normal,normal" bkcolor="transparent" bkimage="http://nadawi.com/bg/images/back-289.gif" border="groove,4,purple" type=0 line=200% align=center use=sp length=0 char="" num="0,black" filter=""]
صلوا على النبي
يقول الكايد:
أنا يابو مريّع جيت ابي منك رفيقي شور = ولا كلن يشور بشور ابسمع ياولد شوره
يقولون المثل قالوا يكذبك الغرق ببحور = ولامنهو لبس لبس البحر بيغوص ببحوره
كتبت القاف من صغري وقالوا ياولد مكبور = ولاودي يقولون العرب هالنفس مغرورة
على الدنيا تعاهدنا وكلن بالخطا معذور = تلاعبني والاعبها وهي بالحيل معذورة
أنا طبعي ترى بيّن وصدقي بالهوى دستور = وكلٍ ياولد يمشي على همه ودستوره
مرضت وزادني همي ولاشاف المرض دكتور = إلا ياكيف ابسلم والمرض ماجاه دكتوره
انا مدري على قلبي نوى يرحل يهد قصور= وانا باقي على حبه ولاهديت في قصوره
أداري دمعني واشكي سواة الخاسر المقهور = تونى ينتظر دوره ونفسه حيل مقهورة
عليّه رد في فعلة سواة الحاكم المنصور = على قمة عربنا سكت الليبي خذا دوره
واذا كانك بتحرجني تراني ياولد مكسور = ولاني بس اكملها على قيفان مكسوره
أنا يابو مريّع جيت ابي منك على تشور = رفيق مثلكم غالي عليه ينسمع شوره
الكايد
7/1/1424
==============================================
رديت عليه وقلت:
هلا بالشاعر المبدع هلا براكان شوق الحور = تراحيبٍ نقدمها بمسك الطيب مبخوره
هلا باللي يجيب الدر من قاع البحر منثور = وجمع فوق الشِعر كل المراجل فيه مبذوره
تشرفت برسالة غالي يبحث عن المستور = يذكرني بزمان فات والدنيا لها دوره
تبي شوري يابو محمد وعسى عمر العدو مقصور= وانا ماني بشور بشور غير بطلبة حضوره
مادام انه يبي يرحل ولا له خاطرٍ مكسور= وأنا مثلك قسم بالله لجحدها بلا مشوره
تجاهل من تناسى وصل حبك والعنا مذخور = ولا خلقت من اطيّح دموعٍ فيك مذخوره
إلا من الفتى ضده زمانه والفرح مهجور = وعلى حمل الشقى خانه حبيبه وقصرت شبوره
مصير الوقت من عقب الظلام يجيك منّه نور= ويضحك لك حِجاجٍ طال وقته مالقى سروره
بنات اليوم يا راكان سواة الغادر المغدور =قليل انك تلاقي اللي تداوي جروح مسعوره
هذا شوري وهذا رأيي مادام انك طلبت الشور = يقوله واحد مخلص صدق بالشعر وشعوره
وصلاة الله على محمد شفيع الامة المبرور = عدد ماانشت مخاييل المزون وطاح ممطوره
الواثق
28/1/1424
[/poet]
-
-
عين ربنا تحرسكم
بصراحه في قمة الابداع
-
صح لسانك ولسانه
وسلمت تلك الانامل
قصيدتنان في منتهى الجمال , تنم عن شاعرية عذبة
-
صح لسانك أخي الكايد
قد أبدعت في الرد أخي الواثق .
سلمت اناملكم
وأتمنى رد جديد للكايد
أختك
روووح الكلمة
-
يقول الكايد ...
انا مدري على قلبي نوى يرحل يهد قصور
.................. وانا باقي على حبه ولاهديت في قصوره
ويرد الواثق ...
مادام انه يبي يرحل ولا له خاطرٍ مكسور
وأنا مثلك قسم بالله لجحدها بلا مشوره
وأقول لكما ...
ألا يا حرف يا حظك مع (( الكايد )) تجي مسرور
............ وجميع الناس يا (( الواثق )) من القيفـــان مبهــــورة
شاعران سمحا لنا بمعانقة الجمال ... وملامسة النجوم ...
لن أثني عليكما .... فالثناء يصمت أمامكما .. ويندهش من روعة حروفكما ..
لكما مني أرق التحايا من أخيكم ... سهم المنايا
-
صح لسان شعارنا الكبار بخلقهم وفنهم وقصائدهم
يسعدني كثيراً وجد مثل هذه الاقلام بيننا
صح لسانكم وسلمت اناملكم
-
يعطيكم العافيه
حقيقة ما اقول الا هنيئا لغرابيل عاشق بمثلكم في فن انتقاء المعاني والكلمات تميز قد لايوازيه تميز في هذا المجال
اتمنى لكم مزيد من التالق والابداع ( بصراحه تحرجو الشعار الصغيرين مثلي .. لاجل ما يزعلوا... من المجاراة )
اخوكم ازد
-
ياهلا بك ياحساسه
يسعدني جدا متابعتك الدائمة لحروفي
الواثق
-
مشكــــــــــور
[ALIGN=CENTER]سـلمت
ياواثق الخطــوه والكلمــه
لك مني أعــذب تحيــــه وأرق همســــــه يامـن سطّـــــرت أبيـــاتنا بأناملك
الزكيـــه ولســــــانك العـــــذب وقلمـــــك الوافي وعبـــاراتك الصـــادقه
نعـــــم المشـــــــوره :
تبي شوري يابو محمد وعسى عمر العدو مقصور وانا ماني بشور بشور غير بطلبة حضوره
مادام انه يبي يرحل ولا له خاطرٍ مكسور وأنا مثلك قسم بالله لجحدها بلا مشوره
تجاهل من تناسى وصل حبك والعنا مذخور ولا خلقت من اطيّح دموعٍ فيك مذخوره
إلا من الفتى ضده زمانه والفرح مهجور وعلى حمل الشقى خانه حبيبه وقصرت شبوره
مصير الوقت من عقب الظلام يجيك منّه نور ويضحك لك حِجاجٍ طال وقته مالقى سروره
بنات اليوم يا راكان سواة الغادر المغدور قليل انك تلاقي اللي تداوي جروح مسعوره
هذا شوري وهذا رأيي مادام انك طلبت الشور يقوله واحد مخلص صدق بالشعر وشعوره
كفــو الله لايهيـــنك على هذه المشــــوره التي أعتبرها وسام شـــرف
ومبـــدأ وفن من فنـــون الحيـــاه التي خضــت تجــاربها
لك مني كل الــود والتقــــــدير على صــدقك وقصيــــدتك الرائعه ,, وأنا آسف على تأخري في الرد لأنشغـــالي .
وعلى الخير دائماً نلتقــي
أخـــوك المحـــب / الكـــــايد [/ALIGN].
-
ياهلا ومرحبا بالكابتن القدير
ابراهيم النفيسه
وجود اسمك طال عمرك تحت مشاركتي بحد ذاته تشرييف
تحياتي لكـ
الواثق
-
[ALIGN=CENTER]
هيـــــام الروح
أهـــــــــلاً بكِ وبتــــــواجدكِ في هـــــذه المنــــظومه
التي جمعتنــي بالشـــــاعر المبدع الواثق
أخوك / الكـــــــايد .[/ALIGN]
-
[ALIGN=CENTER]
التفــــــاحه
روح المنتـــــدى
أهـــــــلاً بوجـــــودك ,, وأهــــــــلاً بقلمك المبـــدع
وأبشـــــــري بالقصــــــــايد الجديده أن شـــــاء الله
أخـــوك / الكــــــايد .[/ALIGN]
-
[ALIGN=CENTER]
سهــــم المنـــــــايا
بيــت منّــــك يعتبــــــر مجاراه لقصيــدتين :
ألا يا حرف يا حظك مع (( الكايد )) تجي مسرور
............ وجميع الناس يا (( الواثق )) من القيفـــان مبهــــورة
تسلـــــــــم على هذا الأطـــــراء وهذا من ذوقــك يا ذوّيــق
أشكـــــرك من كـــل قلبي على هذا الرد
أخوك / الكـــــايد .[/ALIGN]
-
[ALIGN=CENTER]
عشـــق ليـــل
هلا والله بمراقبنـــا المبــــدع
يالله حيّـــه
وجــــــودك أكبـــــر شرف ياخفيـــف الظـــل
لك سـلام من القلب
أخـــوك / الكــــايد [/ALIGN].
