طريقتي بعمل السالمون المشوي بالصوص جوسي وناطع

http://www.maktoobblog.com/userFiles...1210284868.gif
http://up.3ros.net/get-2-2012-cgmfp6t1.JPG
تاخذين قطعه السالمون وتغسلينها بماي بارد عشان لاتتكسر ونشفيها وتبليها

التتبيله ( عصير نص برتقاله+ قفشه وسط صويا حلوه+ قفشه عصير ليمون+ قفشه وسط خردل الي اهو ماسترده+ 3 ملاعق كبيره زيت زيتون+ رشه ثوم بودر ورشه ملح وفلفل اسود ورشه اشبنت مجفف)

تخلينها بالتتبيله مابين ساعه الى ساعتين

تشيلينها من التتبيله وترشينها زيت زيتون وشويه من التتبيله وتلفيها بقصدير من تحت وفوقها وتحطينها بصينيه فرن ثلث ساعه
http://up.3ros.net/get-2-2012-uo6mozhf.JPG

بعد الثلث ساعه شيلي القصدير من فوق السالمون واخذي بقيه التتبيله وزيديها قفشتين كريمه حامضه ورشيها فوق السالمون

فتحي النار من فوق خليها تتحمر

http://up.3ros.net/get-2-2012-9bbhlhll.JPG

تقريبا تاخذ بعد عشر دقايق تتحمر

طلعيها من الفرن ورشيها رشه ملح وفلفل اسود واشبنت مجفف وزينيها بشرايح ليمون

وتقدمينها مع الخضار سوتيه

انا فحت البطاط والجزر وبعدها قليتها بشويه زبده وقلبيهم مع رشهم بالفلفل والملح

اللحين الصوص

قفشتين زيت تحطينه بمقله وتاخذين مكعب ماجي بنكهه الفطر( موجود بمركز سلطان واللولو هايبر وستي سنتر) ممكن تحطين الماجي العادي

تقلبينه بالزيت لما يذوب

تزهبين يمج قلاص ماي مذوبه فيه قفشه نشا وقفشه صغيره صويا+ ربع كوب كريمه كي دي دي

تخلطينهم مع بعض وتصبينهم على المكعب الي بالزيت وتقلبين لما يبدي يثقل شوي سكري النار

ممكن ترشين فلفل اسود او ليمون حسب الرغبه

هالصوص ممكن ترشينه على السالمون والخضار السوتيه

وومكن تقدمينه بروحه بطاسه صغيره يمهم للي يحبه رطب اكثر يرشه على الطبق

وبالعافيه

http://up.3ros.net/get-2-2012-qrxnlnxx.JPG