اهلين لكل العالميين والعالميات
انا ماودي اكتب مواضيع واحب اكتفي كثير بالمتابعه لمواضيع الاعضاء المفيده وبصراحه وللأسف انها نادره يعني من النادر تلقى موضوع ينفع الفريق مواضيع الاعضاء قسمين :-
ياسب للأداره وهالأعضاء خلفهم اعضاء داعمي للأفكار الي هم شلة ممدوح وكلنا نعرفهم يستغلون الخساير والتعادلات لشب فتيل هالمواضيع .
او من الناس الي تسب ماتقيم وضع النصر بشكل منطقي يعني بكره اذا جاب النصر لاعب اجنبي واحد خلاص قالو بنفوز وبنروح للأول دايركت ولا اذا غير النصر كم لاعب خلاص المفروض الان مايهزمنا احد . هذيي عقلية اغلب جماهير النصر الي اشوفها تسب يعني مايفكرون ان الفريق في فترة تغيير لاعبين ومدرب لابد انه بيخسر وشي طبيعي الي مو طبيعي او الغريب ان الفريق يفوز فجأه على فرق لاعبينها يلعبون مع بعض من اول الدوري .القسم الثاني هم من اسباب بعض الانتكاسات وترسيخ بعض الثقافات وهم الي مايعرفون ند لنادي النصر الا الهلال يعني بعضهم عنده كلمه تعلمك وش طموحه تلقاه يقول انا خلني انهزم كل المباريات بس ماانهزم قدام الهلال وهذول من الي خلو مباريات النصر مع الهلال حياة او موت وهذي المشكله الي طايح فيها النصر من فتره . مواضيعهم تلقاها اغلبها عن الهلال اهداف النصر القديمه في الهلال وواحد كاتب موضوعه :- الاعب الذي علم ماجد طريق شباك الهلال ، هههههههه شف التخلف يعني لو ماجد ماعرف الا الهلال والله مايقوم له قايمه .
ياناس نبي نغير هالثقافه نبي نقول ننهزم مباراة الهلال بس نفوز كل المباريات مهي اكبر همنا مباراة .على فكره هالمشجع يشجع ضد الهلال مايشجع النصر .
سبب تخلفنا تفكيرنا في الهلال بسلامة الهلال فاز انهزم اهم شي اكتب موضوع انتقد فيه بادب ولا اسب اكتب مشاكل الفريق اكتب الحلول الي اتوقع انها بتساهم في حل المشاكل افكر كيف ادعم الااعبين بدون ضغط مطالبة ببطوله .رجاءً ياجمهور النصر العظيم لاتخلون من الحب ماقتل تنطبق عليكم .
انا ودي من الاعلاميين الواعين والي قلبهم مع النصر امثال
عبدالكريم الزامل .
منيف الحربي .
مساعد العبدلي .
مسلي المعمر.
محمد الدويش.
يبدون يكتبون في المنتديات النصراويه ويقودون حملة توجيه الجماهير للطرق المتاحه في التعبير عن الغضب وعدم برضه المبالغه في اعطاء الاعبين الالقاب لان الاعب الصغير سريع التأثر ويقرا مثله مثل غيره .عموما اسف على الاطاله بس شي جا في خاطري قلت اقوله
لكم احترامي ومحبتي ،،،،
