أخواني الأعزاء أطرح بين يديكم ردي على الشاعر/ حمود بن نافع الشمري والذي سبق وأن وضعت قصيدته في موضوع سابق على هذا الرابط :
رسالة... (الجزء الأول)
والتي أرجو من الله أن تحوز على إعجابكم،، وأعذرونا على التأخير والتقصير إن كان هناك شئ من ذلك .. وكما قلنا لاتحرمونا من أرآئكم
[poem=font="Simplified Arabic,4,white,bold,normal" bkcolor="transparent" bkimage="backgrounds/26.gif" border="none,4,gray" type=2 line=0 align=center use=ex num="0,black"]
البارحة عينـي حريـب لهـا النـوم=حالي نواهـا الهـم تدميـر وإتـلاف
كني سجين دونـه البـاب محكـوم=يبغي الفكاك ولا حصل عدل وإنصاف
ولاّ غريم طـاح فـي ساحـة القـوم=يوم الحرايب غـاديٍ عجهـا أرداف
لاعدت يايوم النكـادات والشـوم=القلب فيه مـن الهواجيـس ينـلاف
دقيت بالهاتف علـى سبعـة رقـوم=أبغى الفوايد من عديميـن الأوصـاف
شروى الوفي حمود ذيـب وشغمـوم=مطوع عسير القاف من كل الأصناف
الأسلمي من روس شجعـان وقـروم=أهل الوفاء والطيب من عهد الأسلاف
قالو لي أنه في الحفـر قلـت مفهـوم=لكن متى يرجـع علينـا وينشـاف
لأن الغيـاب أشوفـه أزداد ويـدوم=وفرقى النشاما زادت القلب بعيـاف
قالوا خلال أسبوع في مثـل ذاليـوم=ياتـي الخبـر منـه مـع كـل زلاف
وروحـت الأيـام يـوم ورى يـوم=متى يجي من يمـه الصـوت هتـاف
علم النشامـا صايـرٍ منـه محـروم=يالله دخيلك لايجـي حالـي هـراف
بالصبح سرحـانٍ وبالليـل مهمـوم=وقلبي بهمه بيـن حايـف وحـواف
حتى لفانـي منـه ظـرف ومختـوم=يامرحـبـاً والله مـلايـيـن والآف
يامرحبـا إعـداد مابالسمـاء نجـوم=وإعداد برق تالـي الليـل كشـاف
وإعداد حـرف بالدواويـن مرسـوم=وإعداد مال الراجحي ضعف الأضعاف
وإعداد من بالهند في ضيـق وزحـوم=وإعداد من بالصين في ذيك الأطـراف
وإعداد ما ينشر من أخبـار وعلـوم=وإعـداد مايرقـى المعنـى بمشـراف
ترحيبةٍ ترقـى علـى كـل مزمـوم=على الشواهيق الرفيعـات الأطنـاف
ترحيبـةٍ مـن سمعهـا يفـز ويقـوم=كله غلاء لحمود كسـاب الأعـراف
قصيدتك فيها أبلـغ الهـرج منظـوم=فيها الحكم من واحد جرب وشـاف
قصيدتك تاجٍ علـى الـراس ملـزوم=نفخر بها.. مثل اللوالـي بالأصـداف
قصيدتك شبّت بي طمـوح وعـزوم=ولا العزايم عندي مـن أول ضعـاف
شعرٍ مرتـب مابـه كسـور وثلـوم=هذا عطانا مع شريفـات الأهـداف
والمعـذرة لعلّكـم دايـم سـلـوم=ولكم سلامٍ صافي أصفى من الصـاف[/poem]
والسلام عليكم ورحمة الله وبركاته..
