الجروح وسببها

السلام عليكم
متواضعه ترجي القبول

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياضيق شب النار جيتك حطبها=في روضة الفرحات نفسي حديثه
والفرحه اللي سيف وقتي ضربها=ماتت ونفسي للمآسي وريثه
نار المقادير ايتعاظم لهبها=الوجه صوبي والخطاوي حثيثه
والحظ ما قاوم ورايح خشبها=وش حيلته دام المصايب كثيثه
ياكثر ما دنياي قلّت ادبها=بافعالها وشين اللسان وحديثه
وبستان روحي والعذوق ورطبها=ريح النحاسه باجتثاثه معيثه
دنياي لا حاولت بازرع عنبها=يبخل سحاب الوقت في رش غيثه
والعزم لا استبسل وجا بيغلبها=دز القدر مخلاب وانياب ليثه
لامن تذكرت الجروح وسببها=وذكرت وش كثر البلاوي غثيثه
اقول والنبرات يعصف غضبها=يهب ياوجه السنين الخبيثه


[/poem]

اقول والنبرات يعصف غضبها
يهب ياوجه السنين الخبيثه

بدر المورقي

صح لسانك ملايين

ابدعت لاهنت

صح لسانك

جزله و من شاعر جزل

صح قلبك وكلك

وسلمت اناملك

تحيتي لك

المورقي صح لسااانكـ..

سلمتـ


تحيتيـ

صح الله لسانك يالمورقي

ابدعت وقافيه صعبه في العجز

ودي وتقديري