تكفون يالربع ابي خبرتكم باشجار الفواكة والبيوت المحمية لاهنتم ؟
اغنام - ابل - دواجن - طيور
بسم الله الرحمن الرحيم
السؤال الاول : انا عندي جميع اشجار الفواكة وللله الحمد من خوخ ومشمش وتفاح وبرتقال وليمون وغيرها الكثير حطيت عليها سماد طبيعي شريته الكيس 15 كيلو ب 8 ريال ومدعم بالمواد العضوية وغيرة
ابي اعرف وش ينبت منها خصوصا منطقتي الداودمي ( وسط نجد) وهل يكفي السماد ام اضيف الكيماوي ( اليوريا ) وماهي الفواكة الي تنبت عندنا بوسط نجد ؟
السؤال الثاني ابي اسئل عنه البيوت المحمية ودي اسوي لي واحد هل اشريه جاهز ولا تفصيل ولا كيف ؟؟ وكم اسعاره ؟ مع العلم اني ابيه للخضروات يعني انا ابيه ظلال وحماية من الهواء والعجاج وكذا
يعني ماابيه يكون معها مثلا مواسير ماء او شبكة ري او مكيفات او افصلها عند الحداد مواصير حديد الحمها في بعض بشكل مربع واضيف عليها القماش الاخضر مع اني لقيت القماش الاخضر سعره ب 200 ريال
50 متر بإرتفاع متر ونص وش رايكم يالربع لان عندي حتى الطماط كان اشجاره طويله شوي وتكسرت من الهواء
اعذروني على الاطالة
