مراهق ومطفوق

[poem=font="Simplified Arabic,5,blue,bold,normal" bkcolor="transparent" bkimage="backgrounds/1.gif" border="solid,4,gray" type=2 line=0 align=center use=ex num="0,black"]
اخواني واخواتي
في غرابيل السعد
اليكم هذه المتواضعه
وهي موجهه الى
شاعر من اخوياي
الشاعر/مشبب الاكلبي
.


.
يقول من لاضاق غنـا بطـاروق=يحمس به اهمومه ويلعـن ثواهـا
روابعٍ قامت على إزعاجي اتـوق=كني غريـم إلهـا بتاخـذ قضاهـا
سبت فتاةٍ شفتها العصر بالسـوق=في برحـة القـزاز محـدٍ معاهـا
قابلتها صدفه وشب الحشا شـوق=تكهرب إفـوادي ونفسـي بلاهـا
قلـت السـلام وردت بفـنٍ وذوق=ردت بكلمـات استلـذ بصـداهـا
قلت الرقم قالت مراهق ومطفـوق=والاوله تكفي عـن اللـي وراهـا
انا احسبك عاقل بعيدٍ عن البـوق=واثرك من اللـي ماتكـرم لحاهـا
قلت اسمعي علمي وحطيه لك طوق=البوق والختله ماعشـت بذراهـا
انا رجل فاهـم وعاقـل ومرمـوق=والنفس تعلـو مانـزل مستواهـا
قالت اجل محروق؟ قلت ايه محروق=لكن بنت اموت ما اطلب رضاهـا
قالت حرقت القلب والعقل مسروق=ونفسك ترى بيدي دواهـا وداهـا
اودعـك وكـل مطـرود ملحـوق=كلمـه ترددهـا وعيـش برجاهـا
راحت وانا من عقبها اغيب وافوق=مالي جدى ياكـود عـل وعساهـا
الله وانا حسين الحسيكي ولا العوق=وعوق الهوى عزي لنفسٍ وطاهـا
ان جيت اوصفها ببسكال بتفـوق=من شعرها حلـوه لماطـا خِطاهـا
شكواي لله ثم مـن رايتـه فـوق=ابن الرجال اللـي وسيـعٍ نحاهـا
العزوه اللي تاخذ وتعطي إحقـوق=ماخيبـت منهـو قصدهـا وجاهـا
يامشبب الحظ ظنتي حظ ممحـوق=حـظٍ رمانـي فالحبـه وأذاهــا
وانا من اول دون عاشق ومعشوق=مرتاح في الدنيا ولا اعرف هواها
تكفى ياسابق منت للطيب مسبـوق=إرفـق بعيـنٍ نومهـا ماهنـاهـا
والسر خلـه يالمنيعـي بصنـدوق=منهو عطاك اسراره اعرف غلاها
واختامها صلوعلى خير مخلـوق=عداد مـادن الرعـد فـي سماهـا
.
الرد من الشاعر/مشبب الاكلبي

قبل ابدع القيفـان واقـول منطـوق=ليش العوايد ترتخـي مـن قساهـا
الغيره أقفت كنّها الشمـس بغسـوق=مـع المغيـب ولا بقـا الاّ شعاهـا
يااهل المذاهب روسكم لاتجٍ دنـوق=غِيرو وردّو الجوهره فـي خباهـا
لا شافها الجوهر بدا يقطّـع بنـوق=ونفسه مع الونّـات يظهـر خفاهـا
ياحسين غضّات النهد فيهن فـروق=والنـادره ماكـل فكـرٍ غـزاهـا
ماقلت من برقا ولاقلـت مـن روق=عجيبـةٍ مايـنـدرا وش قصـاهـا
دانة بحر والبحر في غبّـه عمـوق=هي منوةٍ لك وانـت غايـة مناهـا
سهم الهوى ياحسين يبرق لك بروق=والهـم والضيقـات بعّـد مـداهـا
قدّام مايفتح مـع ضلوعـك فتـوق=ويصيب قلبك مـع قلـوبٍ رماهـا
راعي الهوى لاصابه الحب بشفـوق=كبـد الشفـق ماكـل شـيْ شفاهـا
يشبه قراحٍ لاانقطع ييبـس عـروق=والكبد غيره ويش يقطـع ضماهـا
إلاّ قـراحٍ يشفـي الكبـد بـوفـوق=لااشفيت له شفّا العـروق ورواهـا
واللي صدف لك من سهم عينه يسوق=سهمٍ ضرب قلبك وعينـك غشاهـا
ملامح المنطوق لو جت علـى روق=تحلا زياده وانـت ترجـي حلاهـا
دار الحوار وجالـك الـرد بوثـوق=ردّ الحشيـم اللـي تحلّـى صباهـا
عينٍ نظرها من تحت رمشـه دروق=تسبي لـك دروقـه وقلبـه سباهـا
وقلبك سرابه شاعقٍ يقـدح شعـوق=بين النهـود وبيـن مبسـم شفاهـا
في برحة القزّاز تنبض به عـروق=مع جذبت سلوك الحريـر وشقاهـا
قال المنيعي سرّ الاصحاب مغلـوق=احكم صناديقه ولا اكشـف غطاهـا
أنا ادري انّـك لاتوهقـت بوهـوق=ماتـاخـذ الاّ عـالـيٍ مستـواهـا
من روس قومٍ سعد منهم لها رفـوق=أولاد حارث مزبـن اللّـي نصاهـا
وصلاة ربّي عد ماعـاش زملـوق=علـى نبـيّ كـل الأمّـه دعـاهـا

[/poem]

لاهنت لايالحسيكى ولاهاان الاكلبي

شعاار جزلين ومنكم تؤخذ الحكمه

وصحت السنتكم يالنشااماا

[align=center]


الشاعر


حسن الحارثي


صح اللسانك


ولسان مشبب الاكلبي


صوت وصدى قمة في الشعر


سلمتوا[/align]

ابوبندر

صح لسااااااانك

وبعدين برحة القزاز وشتبيبها

سوقنا ياخي حرااااام عليك

لاهنتتتتتتتتتتتتتتتتتتت

الناااااااااااايف

صح لسااااااااااااااانك

ياحسين الحاااااااااااارثي

وصح لساااااااااااااان مشبب

لكم مني خالص الود


الرووووووووووووووووقي

صح لسااااااااااااااانك

ياحسين الحاااااااااااارثي

وصح لساااااااااااااان مشبب

لكم مني خالص الود
أأااااحلاهـــــــــــــــ ــــن

صح لساانك يالحارثي

وصح لسااان الاكلبي


استمتعت بتواجدي هنا


تحيتي لك

ابو علي

هلا وغلا فيك


وصح بدنك اليوم ودوم


الف شكر لك


تحياتي

لك يالسليس

اخوك

زيد العتيبي


مرحبا ومسهلا


ماعليك زود



انت جزل ومن اهل الجزاله


صح بدنك


اخوك

نياف العتيبي


صح بدنك


وابشرك برحة القزاز ماعاد اروح الها توبه توبه


ونت انتبه تروح الها



لك مني ارق واجمل الشكر والتحايا

اخوك

صالح الروقي


صح بدنك


ولاهنت


الف تحيه


اخوك

احلاهن

صح بدنك

ولاهنتي


مرور عطر

اخوك

ابو عبدالرحمن

صح بدنك


والله لايهينك


والف شكر على الصوره ياغالي


لك مني اجمل الود

اخوك

شكواي لله ثـم مـن رايتـه فـوق
ابن الرجـال اللـي وسيـعٍ نحاهـا
العزوه اللي تاخـذ وتعطـي إحقـوق
ماخيبـت منهـو قصدهـا وجـاهـا


صح لسانك اخوي حسين ونعم بك وبعزوتك

الزعيمه


صح بدنك

ولاعليك زود


مرورك شرف ووسام على صدري


الف شكر لك وتحيه خاصه


سهيرالليل