بسم الله الرحمن الرحيم
اخواتي العزيزات السلام عليكم ورحمة الله وبركاتة
انا عضوه جديده في المنتدا وسجلت بس على شان ابي منكم النصح وبي اشوف وش رايكم اذا كنتم بمكاني وبقص عليكم القصه وانتم احكمو
حكايتي بتفصيل الممل هي
انا سيده متزوجه من اكثر من عشرين عام وعندي اولاد وبنات ولله الحمد جميله بشهادة الجميع زوجي رجل اعمال ميسورالحال كريم زوجي مثل معضم الازواج دائم الكلام عن الزواج وكان موقفي على راحتك كان في ذاك الوقت عادي مادري ليش السبب هل هي ثقه بنفس وابيها تجي منوه ويقول مابي غير افلانه زوجه لي مابي اكون فارضه عليه شي لكن دئما اقوله انا ما ادري وش ايصير بعد زواجك هل اتقبل الموضوع ويصير عادي او اترك ونحاش وفعلن انا نفسي ماكنت عارفه وش يصير
وتزوج تزوج وحده مطلقه عاديه والحق انه بنت حلال قبلت بس بيام معدوده لانه في مدينه غير المدينه اللي ساكنه انا فيها وبحكم اعمال زوجي في هذي المدينه يذهب عندها هو يقول لي انها ما عجبته بس مايقدر يتركها لظروفها هالحين له سنه وعندها ولد
بس المشكله فيني انا مادري حاسه بتنيب الضمير من ناحيتها لاني اغار عليه بشكل مو طبيعي اخاف يجيني ذنوب بسببها لذلك افضل انه يطلقني على هالحياة عايشه بين نارين نار الغيره ونار الاحساس بذنب واحس ان راحتي يطلع من حياتي هو ياه علشان ارتاح خلاص تعبت تعبت ابي ارتاح
انا ادري ان كثير منكم يقولي تصبري وحتسبي الاجر والله حاولت ما قدرت العمر كم يوم نعيشه بنكد ليه ربنا لا تحملنا ما لا نطيق وانا عندي طاقت تحمل
ارجوكم لا تكونون قاسين معي انا عارفه اني استاهل الي يصير لي لاني جحدت انعمه اللي انا عايشه فيها الحمدلله صحه واولاد وبيت ومال جمال واهم شي زوج حنون وطيب ومع ذلك مانب سعيده انا احاول اعاقب نفسي بطلب الطلاق
