كلكم ادخلوا ابي اخذ شوركم

السلام عليكم ورحمة الله وبركاته,,,

قبل اي شي احب اعرفكم بنفسي..انا اسمي شموخ وعمري 24 من يوم كنت صغيره وانا لي احلام كثيره ..انا طموحه ومتفوقه وشاطررررررررررره واحب العلم ولكن تجري الرياح بما لاتشتهي السفن اللي صار اني تزوجت وانا عمري 16 نجحت بعاشر وقعدت بالبيت لمده سبع سنوات والعام كملت 11 وجبت معدل تراكمي حلو يعني تقريبا 32.83 من 40

انا ادبي طبعا وادرس مسائي,,بس هالسنه اللي من بدت وهي مثل امواج البحر مره نفسيتي فوق ومره تحت مثل اسهم البورصه ..
هالسنه اللي زفت فيها وبكيت فيها دم وقهر ,,,تخيلو راسبه في الانجليزي عن الحفه ب10 درجات والفرنسي جبت فيه 38 ونص يعني عالحفه واما النسبه اخ اخ ياالنسبه,,,نسبتي 69.21

واللي رفع سبع ونزل سبع ماعمري في حياتي رسبت ولا جبت هالنسبه.....صدمه وربي صدمه

انا قبل شوي استخرت ربي اني اكمل هالكورس او اقعد,,وقلت بعد الاستخاره لازم استشيركم يابنات منتدانا الغالي..انا اللحين في حيره من امري مرات اقول بكمل هالكورس ومره اقول بقعد وبعيدها السنه الجايه,,
ارجوكم لا حد يقرا موضوعي ويطنش انا لازم اتخذ قراري خلال هالاسبوع لازم لازم اسمع مشورتكم كلكم,,,
بنات تنصحوني اكمل هالكورس ولا لا,,نسيت اقولكم لما استلمت شهادتي قالت لي ابلا كويتيه ترا الفصل الثاني بينزل النسبه حييييييييل وقسم بالله اني تخسبقت من كلمتها وطلعت ودموعي بعيوني,,ادري طولت ولكن حبيت استشيركم واسمع رايكم ومشكورين علا انكم قريتوا موضوعي كله مقدما,,ناطرتكم خواتي