الي صار لما اصلي الفجر بوقتها

السلام عليكم يا خواتي
شخباركم
انا الحمدلله ما اطوف فرض بحياتي بس استغفر الله الفير مرات اواضب عليها بوقتها وغالبا لا اصليها لما اقوم للدوام ساعات غصبا عليي لان اخذ حبه زيرتيك للحساسيه وساعات استغفر الله ابليس اعوذ بالله منه
الحين قمت اوقت ساعتي على اذان الفير واحط التلفون بعيد انا الحمام وانتوا بكرامه داخل الغرفه فاحط كرسي يم الحمام واحط التلفون فيه عشان اطفي المنبه وادش اتوضى واصلي والحمدلله المسيد قريب من بيتنا فصوت المؤذن عالي
بس حبيت اوريكم نبذه بسيطه واسوي مقارنه لما اصلي الفير بوقتها يومي متيسر وسهل الحمدلله بالرغم من مشاكلي وهمومي بس احس نفسي مبتهجه اضحك وافرفش
واليوم الي اتاخر فيها احس بضيقه صدر ومقموته واحيانا ابتلي بمصيبه
هالشي صار لي دافع ان ما اطوفها لو شنو

جد انصحكم مثل ماتقومون لدواماتكم حرصا على انكم ما تتاخرون بدوا صلاه الفير اهي اولى الصراحه اذا تبون التوفيق والراحه

اللهم ثبتني على هالشي

وهم عشان ماتهجرون القران كل يوم اقروا صفحه اذا عندكم ضغوط وايد المهم ماتهجرونه

واتمنى موضوعي يعجبكم