طلبت بدلتي من النت

السلام عليكم

أنا ياحلوين طلبت بدلتي من النت
بدايه قصتي كنت ابحث عن بدله وبما ان مافي عرس مجرد حفله صغيره قلت بخليها ناعمه وبسيطه لفت انتباهي موقع اسمه تايدي باي بكل منتدى حاطله اعلان قلت بجرب دخلت عليه ولا اشوف الصور شحلاتهم ونفس اللي بخاطري قلت بسوي بحث عن الموقع وتجارب الناس وياه لقيت بمنتديات سعوديه تجارب وياه وكان رضاهم عن الموقع بنسبه تسعين بالميه توكلت على الله واستعنت بخوي لأني مااعرف اطلب اخترت البدله والطرحه والباقي عليه وعلى فكره اسعارهم حلوه اخترت القياس واللون وقالو 28 يوم خياط و8 ايام توصيل طبعا اخوي حذرني قال يمكن مو مضمون مالي شغل قلت ولايهمك أنا المسؤوله عن اختياري ومرت الايام وماوصلت البدله وقعدت انطر ومابقى عالعرس الا ثلاث اسابيع صحيح مافي عرس مجرد حفله صغيره بالبيت بس لازم البس الابيض امي ماعجبتها النطره قالت نروح انحجز بدله لا نتوهق رحت لزياد كل مااخترت بدله قالو محجوزه لانه موسم اعراس بس الحمدالله لقيت بدله تناسبني لان ماشالله ملابس كلها حلوه بس مونفس ماكنت مخططه ناعمه وهاديه لا لان كل شغله شوارفسكي وكرستال ودانتيل بس قلت يلا شنسوي مابقى وقت
وعلى فكره الى هذي الساعه ماوصلت البدله اللي طالبتها من النت ديروا بالكم يابنات لاتوهقون مثلي .
بس اذا صار مستجدات بالموضوع ببلغكم عشان يصير عندكم فكره
وبس ادعولي أتوفق والله يوفق كل عروس