مشكله جمهورنا عاطفيه وكلام العقل مستحيل

بسم الله الرحمن الرحيم
السلام عليكم ورحمه الله وبركاته وبعد
الجواب واضح من العنوان نعم اغلب جمهور الهلال عاطفي ولايجيدون الأنتقاد مع ان الأنتقاد يسهم في تصحيح الأخطاء ولكن بدون تجريح وكل شخص له حريه الأنتقاد لعل وعسى ان يجد مايصحح اخطاء من ننتقده
انا بالأمس انتقدت الاعبين ماجد المرشدي وعيسى المحياني على المستويات الأخيره التي يقدمونها وخاصه اخطاء المرشدي الكارثيه في بعض المباريات واجد من بين الجمهور الهلالي من ينتقدني اويصفني بالمندس فوالله العظيم اني احب الهلال اكثر من نفسي ولم اشجع فريق غيره منذ ان خلقت حتى افضل فرق العالم البرشا والريال وميلان ومن هم على شاكلتهم لم اشجعهم ولن اشجعهم لأنه مايملي عيني غير الزعيم وكلمه اوجهها للأداره اقسم بالله انه المرشدي والمحياني والغنام والزوري هم المستفيدين من الهلال وليس الهلال المستفيد منهم وهذي مجرد وجهه نظر فلو تلاحظون المرشدي اتحدى اي مشجع هلالي مخلص اذا ماحط يده على قلبه والكره مع المرشدي والزوري ماعمري شفت كوره يرفعها للمهاجمين من يوم جا للهلال غير كوره او كورتين والمحياني لأنه اخذناه بالتحدي مع فريق النصر تعاطفوا معاه جمهور الهلال والغنام يبدع في مباراه و100لايبدع لانضحك على انفسنا وكفانا تعاطف مع الاعبين فالفرج خير من يلعب بجهه الزوري والمرشدي يجب البحث عن مدافع اجنبي في خانته صحيح مو وقته بس ننتظر والله يستر من اللي جاي والمحياني مستحيل ان يلعب لحاله لأنه مايعتمد عليه والغنام اسوأ المحاور والحمدلله يوجد في خانته اكثر من لاعب ويجب ع الأداراه بيع الاعبين المذكورين في الفتره المقبله من الأنتقالات لنستفيد منهم قبل ان ينسقونهم بمبالغ لاتذكر
وارجوا من الجمهور اذا احد بينتقدني بدون تجريح والتفكير بالعقل مو بالعاطفه قبل الرد ولكم ودي واحترامي