ياغزال(ن)علق الوسم في قلبي وراح
يحسبني مثل ناس(ن)تضيع حقوقها
مادرى اني صاحي(ن)للهجاد ولصــباح
قاعد(ن)فكري واعرف الديار وسـوقها
وان بغيت ارمية رمية كان طـــــــــــاح
بندقي ترم المنــــايا وانا ما بــــــــوقها
مير اخاف من المناقيد ياضبي البــراح
الفشق وام الفشق قافل(ن) صندوقها
حالتي حالة اسير يهدد بالســـــــــــلاح
بين عدوان(ن) يكض الزعل بحلوقها
ودي ارسله مع الطير خفاق الجنـــاح
عن عيون(ن) بالبكاء ما تكف رموقها
وان هجرني مترف الروح كلش له مباح
المحبة للمحـــــــــــــبين يحرق شوقها
كل ما ذعذع من الشرق ذعذاع الرياح
اتخيل صورة(ن) غـــايب(ن) مخلوقها
( من قصائد الشاعر /خلف بن هذال )
ولـــــــــــــــــــكم كل الود والأحترام
