خلطات تدمر الكلى وتسبب هشاشة العظام وقد تؤدي إلى الشلل

سوري يابنات ماحبيت اخرعكم بس هده المشكله من ايام الجامعه اسمع بنات كانو معاي وبعدين صارت لهم مشاكل في البشره والشعربسبب الخلطات خصوصا عندنا في السعوديه والخليج مافي دور رقابه صارمه على المحلات التجميليه ومافي احد يخاف ربه همهم الكسب المادي .... المشكله في كريمات التبيض هده دمار على الصحه .. الخبر هدا بس للمعلوميه حتى تاخدو الحذر قبل فتره وزاره الصحه دمرت كريمات تباع في الصيدليات ومرخصه من قبل الوزاره (ماراح اتكلم عن الفساد وكيف صارت مرخصه) بس اي كريم مو معروف مكوناته اعرفو انه خلباطياطا ..... بنات الثقه بالنفس هي افضل كريم خخخ (شنو) لا حتى نكون صريحين مين قال ان العرب اساس الجمال عندها البياض ووووو هدا كله الاولاد الاغبياء اقنعو البنات ابيها دبه بيضاء شعرها اسود .. بنات اساس الجمال عند العرب السمار الي هو الان (التان) روحو اقرو شعر الجاهليه في وصف البنات وحبيبات القلب كانه يوصف عارضه ازياء كيف يكون الوجه منحوت ووجنه بارزه وسمره وسنحه للاسف ماعندي وقت ادوره لكن اوعدكم بس الاقي بيت الشعر راح اسنتره لكم حتى يكون مصدر الهام لكم وطز في كل الاولاد والازواج الي يسبو ضغط على البنات الحلوين معلش انا ارغي كثير احمم المختصر المفيد كل واحده تهتم ببشرتها بحيث مايكون فيها تبقع ولا رقع ولون واحد وفيها نظاره ومشعه بالصحه الكلام دا يكون من الاكل والعنايه الخارجيه (كريمات تبيض حبوب خلطات ) من اليوم كله في الزباله طبعا مافي مانع انك تستخدمي خلطات من صنعك انت بس كوني كل شي بنفسك ماء ورد النشاء الليمون زيت اللوز كلها اشياء طبيعيه لتحسين لبشره صحيح تاخد وقت بس كله الا الصحه شوفو الاولاد في المقابل جيكره خشته تقطع الخميره وبكل ثقه ماشي ولا احد يقله راسك رجلك صح شوفو البنات يكونو قمه في الجمال رغم كدا تكون تحت ضغط هائل انها تكون زياده ؟؟ عن جد مجتمعنا متناقض الاوروبيون راح يطيحون عن سمرتنا واحنا نحافر نبي البياض بعدين منطقه الخليج ماشاءالله ماراح اتكلم عن الجمال حقيقي بنات ماشاءالله اش لون بشره واش شعر بس مشكلتنا الوزان الزائد والمؤخرات والمقدمات اوكي سوري على الكلام الطويل بس من خلال فرفرتي لمنتداكم تعجبت انه مازال في بنات تدور على البياض؟؟؟
http://www.alwatan.com.sa/Nation/New...0&CategoryID=3