من قصتها نفس قصتي في تأخر الحمل

السلام عليكم ورحمة الله وبركاتة ..
كيف حالكم أخواتي الحبيبات ..
ببدأ بقصتي ع طوووووول
تزوجت من سنتين وأول شهر من الزواج تأخرت فيه الدورة مانزلت إلا في الشهر الثاني تقريبا يعني صارت تنزل شهر وشهر لا بالمختصر مش منتظمة ..


المهم مارحت المستشفى الا بعد تمانية شهور وبعد الكشف والفحوصات طلع عندي تكيسات ع المبايض ومن هنا بدأت العلاج صرفت لي الدكتورة كلوغوفاج يمكن أربع شهور وكلوميد مدة خمسة أيام في شهرواحد وبعدها سويت متابعة تبويض وكان كلش تمام والحمد لله أنتظمت الدورة..


وأنقطعت عن المستشفى حوالي أربع شهور وبعدين رجعت ورحت لدكتورتي وقلتلها ماحصل حمل قالت نسوي أشعة صبغة وسويتها وكان ألم مايعلم فيه إلا الله لكن الحمد لله على كل حال وطلع عندي أنسداد بالأنبوب الأيسر وميلان الرحم لليسار لكن حسيت إني تطمنت وأرتحت كثييير ولله الحمد وطلبت نسوي عمية منظار لكن رفضت..

وكمان تركت المستشفى تقريبا سنة والآن رجعت وطلبنا تلقيح صناعي وصرفت لي حبتين كلوميد صباح ومساء من تاني يوم في الدورة لمدة خمسة أيام وست حبات أبر منجون 75 وإن شاء الله راح نبدأ فيه هذا الشهر ..


يارب يسهل وييسر وينجح التلقيح لي ولكل مقبلة عليه برحمة ربنا الكريم

نصيحتكم لي قبل وأثناء وبعد التلقيح الصناعي ..

مين صار لها مثلي ياحلوات وتعالجت وحملت ..

~ ربي لاتذرني فردا وأنت خير الوارثين ~