اضحك بس بدون تعليق...........؟
[align=center]طبعن اضحك بس بدون تعليق
ابي اقولك موقف عمري ما انساه وللحين كل ما اتذكره اضحك
كنت انا ولد عمي ايام الثانويه ندرس سوى في مدرسه وحده
طبعن ولد عمي هذا نكته من الدرجه الاولى وما تروح معه الايصير لك
موقف وكانت ايام مراجعه ما قبل الاختبارات جاني ولد عمي قالي
وش رايك نفطر برى المدرسه قلت وشلون قال نبي نشرد قلت من
وين قال نبي نروح من فوق غرفت الرياضه قلت زين ورحنا وفوق
الغرفه طبعن كانت الحصه الثالث حصة الراحه والمدرسين بعضهم
يطلع برى الحوش عند غرفة الرياضه ومن سوء الحظ كان المدير
ها المره طالع الحوش مع واحد من المدرسين نزلت انا اول واحد
واول ما نزلت بجنب المدير قال اهلين انا كنت ادورك قلت طال عمرك
انا عرفت انك تبين وجيتك بنفسي المشكله ولد عمي يبي ينزل
وقبل لا ينزل رمى جزمته تكرمون ولاهي فوق راس المدير طبعن مادرى
ان المدير ما سكني ويوم نزل المدير كان معصب وصقعه بذاك الكف تدرون
وش قال ولدعمي يوم اضربه المدير قال انا كنت ابي اروح دورة المياه
من الخلعه
وللحين كل ما شفت ولد عمي اقوله تبينا نفطر ايقول لا لا لا لا [/align]
