اشتقت لكم كويتيات وحابة اقولكم حاجة بفلبي

مساء الخير كويتيات

كيفكم ؟
اتمنى تكونون بصحة وعافية يارب والله يرزقكم من واسع فضله

مستحية :eh_s(22):
من زمان ماكتبت

المهم
يابنات انا حبيتكم من كل قلبي والله ادعي لكم كل ماطريتوا على بالي واتابعكم
وحابة افيدكم

اول شي
انتوا عارفين انا وزوجي مافينا شي ابدا سليمين وبقينا عشر سنوات مانعرف السبب
اخر سنه صار معاي هرمون وضعف تبويض وعالجت وراح
وتميت سنه ماصار شي

المهم
انا ماكنت اعترف بشي اسمه عين يعني مؤمنه فيها بس ماعمري حطيتها في بالي
حتى امي واخواتي يجيبون غسول وشغلات استغفرالله كنت اضحك عليهم مااستخدمها
ولا كنت اقرا على نفسي

وكنت اسولف عني وعن زوجي سوالف عادية والله مرات تضحك ومواقف بحياتنا العادية ماخذه الموضوع عادي يعني مو بس لاخواتي لا لزوجات حمواني
وصديقاتي وزميلاتي وجاراتي ههههههه مابقى احد

بس حمواتي كنت الاحظ يحققون بالسالفه واستغرب
مثلا مرة كنا نسولف الرجال العصبي وفلان هادي يعني بازواجنا وسألتني وحده منهم قالت فلان يمد يده عليك ؟
قلت لا والله بس عصبي حيل واذا عصب يكسر كل شي غالي على قلبي ههههه
قالت ايه عنده خير علشان كذا يكسر مو مثل فلان تقصد زوجها ماعنده الا فقره
عاد هي مدرسة قديمه :eh_s(1):
حتى ماقالت ماشاءالله الله يهنيكم
لو شايفينها وهي تتكلم يممممممممممماااااااي يالحقود وجهها حيل تغير

وانا وزوجي بيننا مشااااااااااااااااااكل بس انا مااحب ابين
ولا اسولف بمشاكلي وهو فعلا مدلعني وصح ماتزوج علي والبس احسن واكشخ لبس يابنات بس والله احيانا مشاكلنا توصل للطلاق ولاتفه الاسباب

وهم على بالهم حنا مابينا شي وانه مدلعني وحياتي دلع بدلع

بالاخير قمت مااسولف خير شر والله الحريم مايعطون خير وحقودات بالذات زوجات اخو الزوج يقارنون بكل شي

وانا ماعرفت الناس الا لماحملت انصدمت صدمة عمري ودريت فيه حريم حقودات وكانوا يضحكون معاي ويدسون السم من وراي
لما حملت هذي ام الفقر معنها موظفه بس صج الغنى غنى النفس ماقالت لي مبروك مع اني كافيه خيري شري وعلاقتي معاهم مافيها شي حتى لما تنفس اروح لها
وهي تخبي عيالها عني وتاخذ اثرنا انا وزوجي ترسل الشغاله واذا تعب احد عيالها قالت عين
ومع هذا
انا اكبر منها عقل وهي اكبر مني بثمان سنوات

والثانية مو بعيده عنها والله

عاد
قبل لا احمل باربع شهور
دخلت موقع عبدالله الخليفه واخذت عنوانه انا وزوجي ورحنا له وعطانا برنامج التحصين داومنا عليه شهر كامل وصارت بيننا مشكله انا وزوجي
ورحت لاهلي وطلبت الطلاق وااااي تذكرت هذيك الايام الله لايعيدها يارب :eh_s(11):

وتميت عند اهلي
وانحلت المشكله وابوي تدخل عساني ماذوق يومه ويخليه لي يارب
ورجعت لزوجي في رمضان وحده ثانية سبحان الله حتى هو تغير

وبعد شهر
كان عيد الفطر وصار الموقف الحرمة اللي تكلمت علي قدام الحريم وكتبت لكم الموقف هنيه وواسيتوني ووقفتوا معاي وقفه ماراح انساها
عسى ربي يرزق كل وحده ردت علي وواستني او اي وحده قرت موضوعي ودعت لي عسى ربي يفتح لكم ابواب رزقه يارب

وبعد الموقف باقل من شهر حملت :eh_s(9):
ياااااااااااااااااااااااا ااااااااااالله


عاد انا مااستخدمت شي وتاركة المستشفيات سنه كاملة
واسولف انا وزوجي هذاك اليوم وقالي
انتي حملتي من علاج الشيخ اصلا
عاد انا نااااااااااااااااسية الشيخ وقلت لا وييييين الشيخ قبل اربع او خمس شهور
قال ايه بس منه

وتذكرت
يابنات انا كنت احلم حلم من تزوجت
كنت داااااااااااااايما وبكل وقت احلم اني امشط شعري عند المراية والقى نص الشعر من تحت مااااااافيه وحتى مااقدر المسه جلد املس واصحى من نومي وانا خااايفه
واقوم اشوف شعري اتاكد :eh_s(1):
الحلم كانه حقيقه ونفسه يتكرر بس يتغير مكان الصلع مرة فوق مرة تحت مرة على جنب ومرة الكهرب طافي يمه يخرع

عاد من حملت
ماشفت هالحلم خير شر تخيلوا
خمس شهور جاني مرة بدايه حملي وقبل لا اعرف وماشفته خلاااااااص واستغربت وفسرته عند دلع العتبان الله يجزاها خير
وقالت هذي عين قوووووية حصني نفسك واقري البقرة
بس الحلم راااااااااااااااااااااااا اح

وسبحان الله
مشاكلي مع زوجي راااااااااااااحت وعايشة احسن عيشة الحمدلله يارب يتمم علي
ادعوا لي

واللي بغيت اقوله لكم

لا تصيرون مثلي
وخلكم غامضين لاتسولفون عن حياتكم ولا تبينين النعمه اللي انتي عايشه فيها ولا دلع زوجك لك
انا الحمدلله ياربي البس احسن لبس واكشخ بس ماصرت مثل قبل
انا وزوجي يسولف على اهله واخوانه وجماعته عن رصيدنا بالبنك وشنو سوينا واشتركنا بمشروع طلع ثلاث اضعاف فلوسنا وسبحان الله خسرنا وللحين مو قادرين نعوض لان المبلغ كبييييييييييييييير
وانا عندي مبلغ وزوجتي عندها كذا طبعا هو يسولف عن حسن نية وانا مثله كنت بس بعدين قلت له
اخوانك مو مشكلة بس حريمهم هذاك اليوم تقول وشعليكم من النعمه اللي انتوا فيها


يعني يقول خصوصيات مالها داعي


وانصحكم
تواصلوا مع الشيخ عبدالله الخليفه من موقعه
وتقدرين تتواصلين معاه عن بعد
ولا تقولون مستحيل عين وخرابيط صدقوني انا شفت تغيير مو بس بحملي حتى علاقتي مع زوجي الله يخليه لي يارب ولا يحرمني منه


واستخدموا برنامجه حتى لو كنتي تراجعين بمستشفى عادي
هو كله مسك اسود وعسل ومسك للتحصين وبخور لتحصين البيت وماي زمزم وتمر عجوة المدينه وماء ورد وغسول تتنقعين فيه بالبانيو كلها اشيا بسيطه

والله يرزقكم بالذرية الصالحة يارب


طولت عليكم
بس انا احب المثل اللي يقول من طول الغيبات جاب السوالف ههههههههههههههه


:bye22: