سؤال و يا ليت تجاوبوني ؟؟

السلام عليكم بنات ..

شلونكم شخباركم ؟؟

انا بدخل بالموضوع سيدة ,, يمكن هالسؤال سألته و لا 50 مرة بس قلت انزل موضوع

و عقبها ماني ساءله و لا بشغل بالي ,, تعرفون ابليس لمن يوسوس ..

الله يسلمكم الحين انا بالاربعين و قاعدة ارضع بنتي من صدري بس مرتين عطيتها صناعي بس ما

شربته يعني تشرب نتفه و تخليه ... المهم انا ماشية وياها الحين على صدري .. بس قاعدة اعطيها

ماي و حبة حلوة ...

رحت لموعدي مع الدكتور و سألته عن المانع بعد ما اطلع من الاربعين و قالي اذا ما دخلتي

الصناعي و مخليتها على صدرج عندج مناعة طبيعية من 3 لي 4 شهور قلتله اي انا كله من

صدري و راح عن بالي اقوله عن حبة حلوة و الماي ... ف الحين السؤال .. لمن دورت بالانترنت

طلعلي في شروط علشان يكون الرضاعة مانع طبيعي الا و هو ان يكون معتمد اعتماد

كلي على حليب الام فهل الحبة حلوة و الماي ياثرون ؟؟ و هل يمديني الحين اقطع عنها انا صارلي

15 يوم و للأمانة اعطيها من صدري اكثر من الماي و حبة حلوة ..

يا ليت تجاوبوني ... انا موكلة امري لربي و ادعي يعطيني على قد نيتي بس ذبحني الوسواس


و مشكورين