قاطع؟ قليّل خاتمة؟ ناكر أصحاب؟
............ مجنون؟ متشائم؟ غبي صك بابه؟!
طايش؟ خذله الوقت؟ مجبور؟ لعاب؟
................. مقفي يدوّر فالزمن عن شبابه؟!
ماله خوي؟ نسّاي؟ غدّار؟ كذّاب؟
............ مسكين؟ طيب وش يبرر ذهابه؟!
إختار لك وحده يابوقلب مرتاب
.................... تناسب اللي ماهنا في غيابه
إقسى علي وأنا بأقول إنه عتاب
.................... لاتخلّي غيابي يعدّي بمابه !
إسألني: غيابك كذا؟ ماله أسباب؟
.............. رغم إنّي اللي غاب مااحدٍ درابه!
حاول تحسسني بجو اللقا ..
...............................حاب :
................. احس كنّي يوم جيتك سحابه !
الشعر،، تذكر كيف خضنا به أحباب؟
............... ووشلون نسّينا القصيد الرتابة؟
قرّب وسمّعني من أبياته أسراب
.............. لاتقول لي تكفى نسيت الكتابه!
إحضن يديني ودّي آرد لك شاب
................. لو شاب قلبه يبتسم ماحكابه
بسكات يحكي لك عن عيون الأغراب؟
................. ويوسدك زنده وصدره رحابه!
يحكي لك ولا طل نومك مع الباب
أحياناً الشاعر يحس إنه كتاب
.................. لابد يتسكّر بعد ما انقرا به!
,,,,
