افضل مكان للعناية بالشعر في الجهراء ؟ تجاربكم

السلام عليكم ورحمة الله

تكفون بنات أبي رايكم بأحسن مكان لعلاج الشعر والعنايه فيه.. لاني انا بصراحة شبه صلعت وفيه اماكن وايد بفروة راسي فاضيه وفراغات واااضحة حيل
أبي تكثيف وتنبيت الشعر من الجذور نفسها .. تعبت وانا اجرب الحنه والصبار والانبولات والبخاخات وتعرفون سوالف الصيدليات .. بس اخذي واخذي بدون خبره وفلوس ع الفاضي !

ندفع بس على شي مضمون واكيد وينفعنا


بنات انا اليوم رحت صالون بيوتي تك اللي بمعهد فلكس بالجهرا .. سمعت انه عندهم برامج عناية بخصوص الشعر وقالوا عندهم استشارة مجانية تقولج انتي شنو تحتاجين .
المهم قالولي انتي يبيلج جلسات ميزوثيرابي تفتح مسامات الشعر وتحط سائل مغذي ينتب الشعره!

بس توقعون جم؟؟
قالتلي انتي يبيلج 16 جلسة ومعاها جم جلسة ليزر.

وقالت راح نحسبها لج بعد الخصم 380دينار؟؟؟

غالي وايد ولما قلتلها اكيد مضمون؟؟ قالت راح تستفيدين بس من شعر لشعر تختلف النتيجة!

ماتحمست لانه
اولا: صالون تجميل وخفت من لانه صالون مو طبيب او عيادة
وثانيا: تكلفته عاليه
وثالثا: مافي ضمان او ع الاقل نسبة افاده كبيره!

شرايكم اروووح عياده ولا اتوكل ع الله واجرب هالصالون؟؟


انا جربت عياده الريان واخذت عندهم7جلسات ميزوثيرابي ب170 دينار
وقالي الدكتور ع الاقل 3 شهور واصلي الجلسات بس انا ماكملت عنده ..مع ان تحسن فيها شعري!

ابي شي مضمون وينفع والله صرت اتفشل وكله ملفعي على راسي

انصحوووووووووووني تكفووووووووووووون




انتظرررررررررر رايكم لاتبخلون علي بأي شي سمعتو عنه او جربتوه

الله يجزاكم خيرررر