حلم جاء بعد الصدقه ......

حلمت كاني مع بنت من الجامعه اعرفها وهي بالحلم كانها بنت خالتي شيخه وعندهم شغاله اللي هي بالواقع

عامله نظافه سرلنكيه بالجامعه وكانها وقفت ع طاوله وكان رجليها مشوهه طبقات من اللحم المترهل وكانت
الطاوله تسطع عليها الشمس وكانت حاره وامي تشوفها وتقولها انزلي من الطاوله ترى بتحترق من الحراره
قالت لا يماما انا ابي اقعد في الطاوله اللي تسطع عليها الشمس عشان ابي رجلي تتعدل ويروح التشوه بس كان المكان كانه مقدمة مدرستي الابتدائيه
وكان في بنات ماعرفهم وهي تخوفهم بشكلها ويوم حطت تقويم اسنان طلعت اسنانها ولسانها تشبه التمساح وقبل لا يطلعون البنات تاخذ من كل وحده هديه وقلت لبنت خالتي اني خايفه منها قالت لا تخافين
ترى شغالتنا حبوبه بتعطينا بعض الهدايا اللي عندها وشوي شفت نفسي مو كاني انا كاني وحده من البنات اللي بالجامعه وكاني شعري طويل وهو بالواقع شعري متوسط مايل الى الطويل وشفت وحده من البنات
لابسه بلوزه صفراء وعليها زي الجوكيت الاسود الطويل يشبه شكله العبايه وكان معاي (اخوي واختي اصغر مني) مااعرفهم بالواقع وعجبني هالزي ورحت ابي اشتري مثله بالسوق وقبل لا اشتري شفت زي عروسة البحر اللي بديزني لاند وشفت كان وحده لابسته وتمنيت اني اكون مكانها ورحت للمحل عشان اخذ اللبس البلوزه اصفر مع الجاكيت الاسود الطويل لاكن شفت نفسي البس بلوزه خضراء عليها الجاكيت الاسود ويوم طلعت من المحل لقيت اخوي يقولي هاه قستي اللبس عشان تعطينه اختج .... وبس
بياناتي :
متزوجه
كنت اليوم متصدقه عالشغاله اللي بالحلم
اعيش بهم كبير
ادعي بفرج قريب
الحمدلله ملتزمه
طالبه جامعيه
الحلم كان ع العصر