يجزاك الجنه مفسره احلام ودلع العتبان ارجوالتفسير
:yaaaaaarb:حلمت قبل تقريبا اسبوع باني لابسه ثوب ز فاف بدون جيبون ابيض وجالسه فيه بيت مااعرفه بيت شعبي وجالسه بالحوش على الارض وكنت مستغربه ليش موحاطين لي كرسي وكانت اختي نوره جالسه جنبي على اليمين وعلى يساري وحده من الضيوف الموجودين بالحوش وكانت ملامحها ملامح اثيوبيه وتتكلم معاي عادي كانها خليجيه وكنت اشوف اغلب الحضور مسوي تساريح الاثيوبه (العجايف)بعدها بدى الرقص واول من رقص امي وقمت اصفق لها وكنت شايله بيديني الثنتين كيسين فيهم ملابس جداد نزلت الاكياس وقعد اصف ق لامي وقعد شوي ارقص معاها وبعدها جلست وكاني اقول لاختي نوره واضرب الارض انا ماحلم شوفي هذي حقيقه شفتي انا ماحلم وكنت مبسوطه اني بتزوج وجا المعرس وكنت اقول لاختي شفتيه هذا هو وضحكت اختي استغربت اسنانها واحد من الثنايا على طرف مكسور واللي تحته مباشرةً بعد مكسورعلى طرف
بعدها راحوا الناس وجلست انظف الحمام والبيت بعد العرس وقعد انظف الحمام بجديه ولاحظت اثاث غرفة النوم قديم وكنت اقول زوجي بالحلم ليش مدخلني على اثاث قديم
ملحوظه::بعد ماراحوا المعازيم كانوا فيه اطفال يلعبون بالحوش وراحوا صوب الباب وانا رحت وراهم واقول لزوجي الحقهم لايطلعون بره الشارع ولما وقفت عند الباب كان الدبيا ممطره وعتبة البيت مرتفعه وعلى طرف مكسوره وشفت قدامي بالساحه الترابيه اللي قدام البيت سياره بيضه واقفه:yaaaaaarb:
