خــــــــــــــسارة صـــــــــــــرت أنــــا أحــــــــــــبــــك ....ّّّ

:85:
أنا اللي قلت في نفسي..أحبك..وابتدى التمثيل
بديت اكذب على نفسي..واقول انك نظر عيني

خطاك انك تصدقني..تبادلني الهوى وتميل
صدقت بكل اشواقك..وكاذب كل مافيني

خدعني واهم إحساسي..بلا غاية ولا تحليل
ظلمتك يوم جاريته..أجامل ..وانت تعطيني

لقيتك غارق بحبي..ولا لي للآمر تبديل
حرام أحطم احلامٍ..بناها الحب..بديني

وسايرتك..على كيفك..لقيت القلب حبٌك حيل
وفجأة صرت لي نبضي.. سكنت أقصى عناويني

ولا فكَرت في جرحك..ولا ودي تذوق الويل
ولاحـبـيت نتفارق..وعيـنـك يوم تبكيني

ولكن بانت الكـذبة.. وعـــزَم قلبي التعديل
تنبّه بعد مـافـــــات الآوان ..ومّرت سنيني

علينا دارت اللعبة ..مثل دورة نهار وليل
تحب وكـنـت انا لاهي.. عشقتك وانت تجافيني

خلاص الحزن مـا ينفع..تبادلنا الهوى تمثيل
خسارة صرت أنا أحبك..وانت الـلي تـجـاريـني
:85: