مشترواتي بالصور حياكم من مكياج وعطور

اشلونكم يا حلوات
يايبه لكم مشترواتي الاخيره لشهر يناير وفبراير حياااكم
http://up2.q8yat.com/uploads/images/...b973519ad3.jpg

من فوق نبتدي من اليمين
بيس من لوريال يهبلللل خفيف ويخفي الخطوط التعبيريه ويخلي الويه زبده
اساس كريولان كريمي روووعه
اساس لوريال ترو ماتش سائل وخفيف يهبللل بس هذه درجه غامجه للتخلط
اساس هيلثي ميكس من برجوا عجيييب وخفيف رقم 56 حق الدوام واااايد ينفع
باليت نيكيد 1 من حبيبتي التاجره ميس هارودز ياجماعه فديتها كافي اخلاقها اروووعه وظبعا عالباليت غني عن التعريف يهبللل حق الدوامات والطلعات الخفيفه
ماسكرات من اليمين اول ثلاث لوريال يهبلووون صج صج رووووعه
والثنتين الي يمهم هلينا روبنشتاين الحيه والتايجر السوده ولا اروووع

الفرشه من ميس هارودز فرشه الفاونديشن f 80 هذه سحررر يا جماعه لا تقارنونها بسيفورا هذه وااايد احلى اشك ان فيها سحر والله عندي كريمات اساس حسيتها مووو شي بالاسفنجه او اي فرشه اساس ثانيه بس مع سيجما امبيييه موووصج والله لايطيح شعرها ولا تخطط وتوزع صححح امبيه حتى كل من يمدح كريمات اساسي بالدوام مع ان نفسها ماتغيرت بس السر بهالفرشه حتى ام علي استخدمتها وقالت احلى من سيفورا كنت اظنها مقلب وحالها حال الباجي بس جد تينن سحرررر

http://up2.q8yat.com/uploads/images/...7a9668b3e8.jpg

العطور من اليمين من فوق جيفنشي يهبللل على بودر
والثاني gina من بينفت بارد وفواح
وتريجر من لانكوم يهبلل طبعا هذا مكررته للمره الثانيه
والثالث لاليك نوار رجالي بس يهبللل مايل على خشب الصندل

واتمنى الموضوع يعجبكم