حبوب Vites للمتكيسات ومشاكل الدوره.. تجربتي

بسم الله الرحمن الرحيم

السلام عليكم



ؤفي موضوع منزلينه عن الحبوب وطلبتهم وبكتب تجربتي للفايدة

انا فيني تكيس والدورة مو منتظمه كنت آخذ مانع لتنظيمها
خفت من كثرة الموانع فقررت اجرب شي طبيعي

صارلي اسبوع اسوي بحث عن الحبوب بمواقع اجنبيه وراح اكتب لكم المختصر عنها

فايتكس حبوب من نبات ال chaste berry وهي طبيعيه 100٪ ومافيها منشطات وهالمعلومه اكيدة ان شالله
تستخدم من آلاف السنين واذا استخدمتيها صح مالها آثار جانبيه مقارنه مع المنشطات والمانع

قريت اكثر من 20 بحث علمي عنها واثبتوا انها تصلح للأغلبيه اللي الدورة متلخبطة عندهم وفيهم تكيس

راح ان شالله انقل لكم تجربتي بالتفصيل وحاضرة لاي سؤال

آخر دورة لي كانت 18-1-2012
ودورتي تطول 5او6 اسابيع

امس توكلت على الله سبحانه وبديت الحبوب حبه مرتين الصبح وباليل 400mg x2


واللي تبي اي استفسار راح اجاوب من البحوث اللي قريتها

دعاءكم لي