احترمونا نحترمكم..... مشغل الاسطوره مووومعقول التعامل!
السلام عليكم و رحمة الله وبركاته
موضوعي يا طويلات العمر عن بعض المصممات اللي ما يحترمونا لا بالتعامل و لا بالعقليه
( اسلوب زفر\ كأني اطر منها \ خامات بنص دينار و تحط الموديل ب100 دينار و اهو كله مو مكفها 10 دنانير \ ضحك علينا و على غيرنا تخيط بالعربيد او البلوكات و تقول تصميمي و اهو مكود اهناك)
نبدي بالقصه :
امس ياطويلات العمر دقت علي رفيجتي من عمر و عرسها بعد شهر بالضبط
يعني بتاريخ 11\3 الجاي
واهي من سكان المنطقه العاشره
المهم
دقت علي وقالت انا بمرج عالاربع عشان بشوف مشاغل بغرب الجليب و العارضيه
وبتمر العربيد للدراريع و المغاتير بعد يمدحون عبيهم
تبي عباتين و تبي دراريع حموله
:rerrerek: حلوووووو
دقينا على ام فهد الشاطري الفون مغلق ما ادري ليش دقينا مرتين
رحنا العربيد فصلنا دراريع نعومه مو ملوت كشخه لا ملوت حموله للعصر و الضحى
تالي قلنا نروح لمشغل الاسطوره
رحنا العارضيه و على مدح وحده من البنات
طبعا سمعنا عن المشغل بس ما هقينا بننزف ههههههههه :krkrkr:
شفنا سيارات جدام البيت
قلنا زين الظاهر ان صاحبة المشغل موجوده
نزلنا الدرج و دخلنا المشغل بالسرداب
وفجأه !!!! :eh_s(4):
نعم
خير اختي !
انا و رفيجتي :eh_s(1):
( ياربي و الله قاريه لوحه عليها المشغل من هنا !!)
و رفيجتي تقول مو مشغل !؟ جان تقول لها وحده لابسه نقاب اي مشغل خيييير
جان تزفنا راعيه المشغل ! :rgewrg:
خير اختي اليوم استلام طلبات عندج فاتوره!
قالت لها رفيجتي عرسي بعد شهر ابي اشوف عبييج
جان ترد ماكوووشي الحين
ردت رفيجتي ممكن اشوف الستاند آخذ فكره عشان ارجعلج مره ثانيه بوقت العرض
جان تقول و بنزره! اليوم ماتشوفين شي
طاقاتي ما وصلووو !!
تعالي آخر الشهر !
( عقب العرس مثلا يعني )
( على فكره انا كنت لابسه نقاب مع رفيجتي و ماسكه عصير ليمون بيدي !! عشان تتذكرني صاحبة المشغل اذا قرت الموضوع)
اي ولابسه نظاره طبيه بعد :j013:
آنا صار ويهي جذي :D ياحليلها تعطي اوامر و تزف هههههههه
يمااا خل نطلع قبل لا ترمينا :eh_s(13):
اشدعوووه عليج ! ليش هالتعااامل !!!
طاره منج عباة !
:080402ask_prv:
اللي اعرفه انه مشغل و مبطل شنو راح يضرج اذا شفنا شغلج !
واي شنووو هالتعامل
رفيجتي طلعت و قالت لو شنووو ما اتعامل مع وحده بهالطريقه تعاملها و احترامها
عزيزتي المصممه المحترمه ياللي تترزقين الله من ورا هالمشغل :
انتي فاتحه مشغل و لازم يكون عندج اسلوب راقي للتعامل مع الزبونات
مو معقوله تزفين الناس و تحسبين ان هالشي حلوووو لشغلج
لا حبيبتي انتي راح تدمرين شغلج بنفسج!وغير جذي راح تكسبين سمعه مو زينه
اترك التعليق لكم :
