قصــة ولادتـي بالتفصيـل الممـل (السلام د. نهاد حسني )

السلام عليكم


الحمدلله انا ولدت بالسلامـة ويبت ولد :eh_s(22):




توني أتفرغ أكتب قصـة ولادتي لان ماكان عندي نت


كتبتها بتجمع بجريات من تلفوني وحسيت اني ما فصلتها عدل

يمكن قصتي راح تعجب البجريات اكثر شي لاني بجر وبوصف لكم كل شي بدقة

اول شي احمد الله واشكرة اني ولدت بالتاسع هذا من فضل ربي لان انا حاشني نزيف بالثامن
وبغو يولدوني وعشت اجواء الولاده وتنومت بالصباح اخ يا ذيج الايام مت من المحاتاة والحزن

واول ما دشيت التاسع نقص الماي وقالت احتمال نولدج وهني مت من البجي والمحاتاة
ابي اولد حالي حال الباجي طبيعي ماخليت ربي صليت ودعيت وطلبته والحمدلله يارب استجاب لي ربي
و ولدت بالسلامه


بداية القصه
يوم الثلاثا صلاة الفجر ... قبل الصلاة حسيت بألم الدورة خفيف وعادي عطيته طاف قلت تجاديم ومن هالحجي
صليت ونمت وقعدني العوار الساعه 6 ونص الصبح وكتبت لأختي بالبيبي ام انا حاسه اني بولد اليوم ياني عوار الدورة وانا نايمه بس مابي اشتتط لا تعلمين امي بحسب العوار اييني والا يختفي
خصوصا اني قريت وايد بالمنتدى ان اييهم طلق قوي وماكو شي وقلت حالي من حالهم مابي اشتط
ياني شي الساعه 7 قالي روحي الحمام مع اني مو بحاجته
اول مادشيته والا نقط دم عالمرحاض وانتو بكرامة @@ اخترعت ... سمعت عن سدادة الرحم بس مو هالكثر دم عبالي شي لزج و وردي خفيف
هذا لا منقط وايد ومسحت بكلينكس وهم في !!!
دقيت على امي 7 ونص وقتلها قالت ويي .. قلت بروح المستشفى قالت يالله مروني واقعد ريلي
حياتي كان مشتط حيييييل عالبيبي لان مل واهو نااطر حس اني طولت لي درجة ايقولي انتي ويهج مو ويه ولاده ... المهم تعرفون اللي مستانس ويسألني متى بتولدين يعني قلت شدراني خل نروح بالاول الطبيب ونعرف يمكن مو ولاده يمكن المشيمة مرة ثانية
رحنا السلام الساعه8 الصبح وقبلها زهبت جنطتي الصغيرة الي فيها عدة الاستقبال ميكب وادوات التنظيف والسشوار
عاد سبحان الله نفس اليوم الساعه 12 الظهر عندي موعد وبتفحصني الدكتورة اكون خلصت اسبوعين وشوي من التاسع وباقيلي 11 يوم على اخر موعد

وكنت ميته خوف من الفحص لان ولا مرة انفحصت ومتزهبه الحمدلله قبلها بيوم يايتني الصالونه وحفيت وتنظفت من تحت بعد
سبحان الله جني حاسه .. بولد
وامي قبلها بيوم تقولي بطنج اختفى وحست اني على وشك ولادة


المهم رحنا السلام و قالت ولاده قلت مادري نازل دم وانا بالتاسع
سوتلي سونار وقالت كل شي زين خل افحصج وفحصتني والا فاتحه 2 سانتي
قالت سوي تخطيط طلق ونبض سويته كل شي زين وتقول الطلق مو قوي عندج ردي البيت
رديت 9 وقعدت عند اهلي لما 1 بدا العوار يتغير من عوار الدورة لما عوار ثاني كل 11 دقيقة حسبتها إييني سبحان الله منتظم بالدقايق حيييييييييل

بعدي كل 8 دقااااايق وبعدين كل 6 دقااايق وتمر ربع ساعه ماكو شي
وصبرت وشربت 3 قلاصات دارسين ونمت شوية وحييييل صابرة ماشاءالله تبارك الرحمن حتى امي مستغربة اني هادية
قريت سورة الزلزلة 3 مرات .... وامي يمي حاطة كرسي بغرفتي ومجابلتني
لين صار العوار كل 4 دقايق قمت اتألم حييييييل لي درجة امسك ايد امي واتنفس حيل حيل حيل ورا بعض
هذا الساعه 4 العصر امي كان ودها انطر بعدين قلت ما اقدر
يه زوجي بيت اهلي واخذنا ورحنا المستشفى فحصتني بالطوارئ الدكتورة هاله بالسلام يمه عسسسسسسسل تهبببببببل حيييل حبيتها وقالت انتي مفتوحه 4 ولاده
ماتتصورووون شعوري بهاللحظة حسيت ان كل شي صج و بولد و يه اليوم اللي ناطرته من زمان
ماكا في خوف سبحان الله قلبي مطمّن الحمدلله رحت غرف الولاااااده وقريت مكتوب عالباب غرفة العمليات والولاده يا ربييييييي شنو شعور ثاني
دشيت وانا هادية واتألم بدون صوت والا وحده تصرخ صرخه اول مرة بحياتي اسمعها
صرخخخخخه عواااااااااااااااااااار تزحررررررررررررر

جان ابجييييييييييي اصيييييييح وامي بجت علي تقول شفيج قلت حرام مسكينه شوفيها تتعذذب انا بصير مثلها قالت تعوذي من ابليس توج شحلاتج هاديه مافيج شي

دشيت غرفة الولادة ودشت امي معاي فيها سستر وحده قالت يالله بدلي بدلت ولبست اللبس الازرق وقطيت كل ملابسي
قالت يالله الحين بحطلج حقنة شرجية عشان تخرجين
حطتها واهي نفس جل بارد وعقبها دشيت الحمام وطلعت كل شي
وحطتلي درب والكمام يمي قالت اذا في ألم بس شمي مو تشمينه على طول .. يت الدكتورة فحصتني قالت 4 ونص
وسألتها لا يكون هذا اكسجين لان في بنات قايلين ان في مستشفيات ما يحطون مخدر
قالت لا هذا مخدر ياألبي ماتخافيش .. وبدا العوار يذبحنيييييييييييي يعور حيييييييييييييييل
وأتألم وأمسك ايد امي واتنفس حيل حيل حيل وامي كل ماتييني الطلقة تقرا الزلزلة علي
واشم الكمام واحسه مايأثر بس يمكن اهو اللي خففها لان احس بالطلقة 10 ثواني قوية عقب تروح

والظاهر اني كنت انام واقعد وانا ما ادري اني انام واصحى عالطلقة اللي تخليني اصيح واطلع صرخه مثل صوت الاسد عرفتو شلووون ؟ من العوار تخيلووووو وتروح
سبحان الله من رحمة ربي يخليها 10 ثواني وتروح .. يعور حيييل حييييل
نمت وقعدت والا امي تقول الساعه 8 الا ربع وكنت اسمع فاتحه 5 بعدين 6 بعدين 7
وجذي واقعد عالعواااااااار لين صحت ابي مسكن وطقتني على فخذي
انا داشه غرفة الولاده 4 ونص العصرررر .. الساعه 8 لما فاتحه 8 اتوقع كنت احس باليااااااهل بيطلع
واصرخخخخخخخخخ سسسسسسسسستررررر بيطلع بيطلع بيطلع أمبيييييي بووولد
سبحان الخالق كان يدفع نفسه يمه يالاحساس يخرع كأني بولد الحين
واصرخ نادي الدكتووورة واهي تدري ان هالشي عادي وتقول زين زين وماتناديها
لما فحصتني وفتحت 9 جان تيي دكتورتي
يتني 8 وثلث جذي و وعيت عليها واهي تلبس اللبس والادسوس ومستعده للتوليد
ورفعو ريووولي وردوهم لي ورا وقالولي بوش بوووش يالله
وانا لما ادفع كنت اصررررررررخ حييييييييل صراخ غريب
وانا طول الوقت ما اصرخ حيل بس البوش لازم اسويه مده طوييييييله من غير نفس
احس بشغلات من تحت مادري شنووو واسألهم طلع يقولون لاااا الحين يطلع
كنت نص واعيه احس وما احس اعرف وما اعرف شعور غريب .. المهم حسيت واهي تشقني من تحت بس احساس خفيف .... المهم شوي والا اسمع صوته يكح ويبجي ويحطونه على بطني وكله دم يا الللللللللللللللللللللللل للللللللللله يالشعور لا اله الا الله محمد رسول الله شعور مو طبيعي من كثر ما اشوف يوتيوب ولادات تأثرت ان انا صار فيني مثلهم
طبعآ امي مرافقتي بغرفة الولادة بروحها ما ابي غيرهااااا .. ولما وصلت حدي بولد قالت لها الدكتورة تستحملين تشوفين والا تدوخين قالت امي لا اخاااف اشوف بنتي بهاللحظة وطلعت وقفت عند الباب تسمعني يوم طلع الياهل جان اصرخ انادي امي
يمه يمه تعالي شووفيه

يوم حطوه على بطني المسه بطرف صبعي واقولهم هذا مالي ؟
قالو ايييي مالج ..وامي تبجي من الفرحة وصورتني والصورة ليلحين عندنا يا الله تهبل
واسمعها دقت على ريلي وتقول مشتطـه ولدت واهي تبجي .. بعدين خدرت ومادري شصاااار
وعيت والا انا بروحي وتوه داش ريلي .. وقعدت ساعتين وصعدوني الجناح
و ويهي كله متفخ من التخدير والعوار
اول ما انتقلت من سرير لما سرير كنت احس بعوار من تحت من ورا بس عبالي من الدفع
اخر شي طلع الخياط

يارب لا تحرم أي انسانه مرت موضوعي من هاللحظة الحلوة

ألحين وضعي بعد الولادة نسيت كل هالالام وفعلا كأنه حلم سبحان الله
بس الخياط حيل تعبني وتعب نفسيتي تخيلو القعده صعبه والقومة صعبه والنفسية لعبت فيني منه


ولدت 9 الا عشر بليل
باجر استقبالي ليوم واحد بالمستشفى وكان مالي خلق النااااااس كلششششششش
بس الحمدلله تسنعت وتعدلت لي درجة الدكتورة دشت علي وقالت : wow u look so pretty

اللي ولدتني الدكتورة نهاد حسني مستشفى السلام
خوش دكتورة ولاددتها حلووووة مع اني حسبوني متعسرة لان شفطت الياهل
وانا اشوف ان ولادتي سهالات بفضل الله ماطولت وايد 4 ساعات الحمدلله ماشاءالله

ولدي يهبل نسخه مني الحمدلله

الحين انا بالنفاس احس بقته عادي قالولي عن هالحاله
احس بألم الخياط شوي متعبني
فاقده زووووجي واحاتي شقتي
خدامتي ماوصلت للأسف
الحمدلله خلصت من هم الولاده يه هم النفاس

امي كاسرة خاطري حيييل تعبت ويا البيبي انا من عوار الخياط ما اقدر افز بليل عشانه
والا ان شاءالله اول ما اصحصح بخليها تنام بدارها ولو احتجتها اناديهااااا


بالنسبة للشغلات الي تسهل الولاده ماكنت اخذ أي شي الحمدلله
المشي كان مو ذاك الزوووود
لحد يقص علييييييييكم ترى اهو يطلع متى ماربي كتب له .. ولددت قبل اخر موعد ب 11 يوم
الحمدلله

طبعآ مستشفى السلام مثل باجي المستشفيات الخاصه لازم يزيدون السعر وريلي ماخلاهم وطيحو جم شغله تقريبآ لانهم نصابين شوي ك باجي المستشفيات



السلام روعه نظيف والسسترات روووعه سبحوني ونظفوني ودشو معاي الحمام وبدلوني
واكلهم دايت كير حلوو بس ما اشتهيه

ممممممممممم وبس هذي قصتي كنت حيل انطر اللحظة اللي أكتب فيها هالموضوع الحمدلله يارب