سالفتي مع رفيجاتي عطوني حل ..

السلام عليكم
شلونكم بنوتات

بدش بالموضوع بدون مقدمات

انا قبل بالسنين اللي فاتت كانت عندي شلة رفيجات واحبهم ويحبوني

بينا الميانة طايحة حيييل وتلفونات وطلعات وييات . المهم

كثرت المشاكل ( التافهة) بينا وتفرقنا وصرنا اعداء واهمه بقو مع رفيجاتهم الثانين

بس الحين شوي تعدلت الاوضاع وصار بينا تواصل سوالف عادية بالواتس اب

ببداية السنة تمنيت اني ماكون بصفهم لاني مابي مشاكل وماصرت بصفهم

مع الايام رافجت شلة بنات اهمه 4

وحده منهم شيطانة بس عادي مافيها قلة ادب
وحده منهم شيطانة وايد وشوي قليلة ادب
وحده فيهم عندها ( حبيب ) مع العلم انه احنا بسابع وهم شيطانة ولسانها وصخ و نوعها مشاكل وهواش وعادي عندها بس قالولي انها خوافة وسباتها وصخة وشقول بعد انتو ادرى
والأخيرة كسلانة وشوي شيطانة بس عادي

المهم
رافججتهم مدة وانا مو جذي انا مو مثلهم
كنت قام اتهرب من شي رحت لشي العن
انا غير انا مامدح نفسي والله بس انا شاطرة ومعروف عني
وماطول لساني عالابلة ولا اذي احد وماحب المشاكل

بعدين انا قام احس اني قام اتغير لأسوء وشوي شوي قام اصير مثلهم
قلت مايصير اظل معاهم مستواي الدراسي نزل وقام اصير شيطانة ولساني قام يتعود
على كلمات عمري مافكرت اقولها :eh_s(11):

للعلم قلتلكم اللي مشكلجية .. و اللي قلتلكم كسلانة شوي اهمه رفيجات بس دايما بينهم مشاكل وهواش مرات جدامنا يتهاااوشون وسب

المهم

يه يوم وكانو هالثنتين متهاوشين
قعد انادي وحده فيهم .. فلانة فلانة .. بقولج شي فلانة
كنت متضايقة من شغلة وقلت اقولها
واهيه تحقر تحقر تحقر .. ماتضايقت وايد رحت قعدت واهمه قام يتهاوشون

جان اقعد يم وحده بسميها دلال بس اسمها مو جذي عشان مابي احد يعرفني بالمنتدى يدري
وهذي اعرفها انها مهتمة ومؤدبة وشاطرة كوبي بست مني
وكانت رفيجتي بالروضة والإبتدائي
وقلنا من يوم ورايح احنه رفيجات وقمنا نكلم بعض ونسولف
وقلتلها اللي صاير وقالت بتوقف معاي خصوصا انه علاقتها مع هذيك الشلة مو شي
المهم

مرت ايام وانا معاها ويه يوم يتلي اللي قلتلكم شيطانة ومشاكل وقالتلي شفيج موقام تكلمينها ولا تمشين معانا ومتغيرة علينا قلتلها انا خلاص رفيجتي (دلال) .. ولا تقول ليش شسوينا لج ولا اقولها ولا شي بس خلاص انتو غير وانا غير انتو شخصية وانا شخصية ثانية

ولا اقولها فلانة خلاص هديني انا اخترتها وانتي عندج رفيجات غيري الدنيا مو واقفة عليي ولا تقولي بس انا ابيج انتي ولا اقولها خلاص تعبت من الكلام وكانت بعيوني دموع وقعدت تحن تحن ليما قالت خلاص بهدج وانسي اني كنت رفيجتي وانا بعد
وقالتلي ترى انا زعلي جايد وهذي الكلمة اللي خوفتني
وراحت وانا قلتلها احنا لو ابتعدنا ماراح نكون اعداء بنسولف ونتكلم ووو بس اهي قالت خلاص بنسا اني كنت رفيجتج ووو

المهم اهيه عندها اسرار عني اخاف تقول حق احد
وانا خايفة تسويلي مشاكل مع انه ضلينا اكثر من يوم ماسوت شي بس لما تشوفني تقول مثلا ويع ولا قطيعة بس انا ماسكت لها
اهيه الوحيدة اللي جذي الباجي عادي مازعلو وللحين اكلمهم مرات
المهم شورو عليي وطمنوني باجر مدارس وانا خايفة من كل شي وقام ابجي
وتتوقعون بتقول اسراري حق احد ؟
وقلتكم اهيه خوافة رفيجتي اللي الحين قالتلي مرة تهاوت مع بنية والبنية قالت بتقول حق اهلها ايون ولا تترجا البنية انه ماتقول حق اهلها شوي وتبجي


تكفون طمنوني
ويارب الله يوفق اللي يرد عليي بالرد اللي يريحني
وتريحها دنيا واخرة امييين